കോട്ടയം: പുതുമന തന്ത്രവിദ്യാലയത്തിന്റെ ഇരുപത്തിമൂന്നാമത് വാര്‍ഷിക സമ്മേളനം തിരുവനന്തപുരത്ത് തൈക്കാട് പിഡബ്ല്യുഡി റസ്റ്റ് ഹൗസ് ഹാളില്‍ നടന്നു. ദേവസ്വം മന്ത്രി കെ. രാധാകൃഷ്ണന്‍ ഉദ്ഘാടനം ചെയ്തു.
രമേശ് ചെന്നിത്തല എംഎല്‍എ പ്രശസ്തിപത്ര സമര്‍പ്പണം നടത്തി. സമ്മേളനത്തില്‍ പുതുമന തന്ത്രവിദ്യാലയം പ്രധാന ആചാര്യന്‍ പുതുമന മഹേശ്വരന്‍ നമ്പൂതിരി അധ്യക്ഷനായി. ബിജെപി സംസ്ഥാന അദ്ധ്യക്ഷന്‍ കെ. സുരേന്ദ്രന്‍ മുഖ്യപ്രഭാഷണം നടത്തി. കടന്നപ്പള്ളി രാമചന്ദ്രന്‍ എംഎല്‍എ പുരസ്‌കാര ജേതാക്കളെ ആദരിച്ചു. പുതുമന തന്ത്രവിദ്യാലയത്തില്‍ നിന്നും പൂജാപഠനം പൂര്‍ത്തിയാക്കിയ വിദ്യാര്‍ത്ഥികളുടെ സര്‍ട്ടിഫിക്കറ്റ് വിതരണം തിരുവിതാംകൂര്‍ ദേവസ്വം ബോര്‍ഡ് പ്രസിഡന്റ് അഡ്വ. കെ. അനന്തഗോപന്‍ നിര്‍വഹിച്ചു. കേരള ദേവസ്വം റിക്രൂട്ട്‌മെന്റ് ബോര്‍ഡ് ചെയര്‍മാന്‍ അഡ്വ.കെ.ബി. മോഹന്‍ദാസ് ക്ഷേത്രശ്രീ പുരസ്‌കാര ജേതാക്കളെ അനുമോദിച്ചു.
ദേവസ്വം ബോര്‍ഡ് മെമ്പര്‍മാരായ അഡ്വ. എസ്എസ്. ജീവന്‍, ജി. സുന്ദരേശന്‍, മുന്‍ എംപിമാരായ എന്‍. പീതാംബരക്കുറുപ്പ്, പന്ന്യന്‍ രവീന്ദ്രന്‍, കോണ്‍ഗ്രസ് എസ് സംസ്ഥാന ജനറല്‍ സെക്രട്ടറി കെ.എസ്. അനില്‍, കോര്‍പ്പറേഷന്‍ കൗണ്‍സിലര്‍ ജോണ്‍സണ്‍ ജോസഫ് എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: