തിരുവനന്തപുരം : രണ്ടാം പിണറായി മന്ത്രിസഭയുടെ പുനഃസംഘടന വേഗം വേണമെന്നാവശ്യപ്പെട്ട് കേരളാ കോണ്ഗ്രസ് (ബി) ഇടതു മുന്നണി നേതൃത്വത്തിന് കത്ത് നല്കി. നവകേരള സദസിന് മുന്നെ പുനഃസംഘടന വേണമെന്നാണ് ആവശ്യം.
കേരളാ കോണ്ഗ്രസ് ബി ജനറല് സെക്രട്ടറി വേണുഗോപാലന് നായരാണ് കത്ത് മുന്നണി നേതൃത്വത്തിന് കൈമാറിയത്. മുന് ധാരണ അനുസരിച്ച് നവംബറില് ഗണേഷിന് മന്ത്രിസ്ഥാനം കിട്ടുമെന്ന പ്രതീക്ഷയിലാണ് കേരള കോണ്ഗ്രസ് (ബി).
ആദ്യ രണ്ടര വര്ഷം കെ കൃഷ്ണന്കുട്ടി, ആന്റണി രാജു എന്നിവര്ക്കും രണ്ടാമത്തെ രണ്ടര വര്ഷം ഗണേഷ് കുമാറിനും കടന്നപ്പള്ളി രാമചന്ദ്രനും മന്ത്രിസ്ഥാനം നല്കുമെന്നതാണ് ധാരണ. നവംബറില് സര്ക്കാര് രണ്ടര വര്ഷം പൂര്ത്തിയാകും വരെ മന്ത്രി സ്ഥാനം ആവശ്യപ്പെട്ട് കത്ത് നല്കാതിരുന്നത് പാര്ട്ടിയിലെ ധാരണയുടെ അടിസ്ഥാനത്തിലാണ്.
സമയപരിധി തീരാറായതോടെയാണ് മന്ത്രിസ്ഥാനം ആവശ്യപ്പെട്ട് സമ്മര്ദ്ദ നീക്കങ്ങള്ക്ക് ഗണേഷ് കുമാര് നീക്കം നടത്തുന്നത്.
