കൊച്ചി/മുംബൈ, 2023 ഒക്ടോബർ 30: ഇന്ത്യയും യുഎസും തമ്മിലുള്ള ബന്ധം കൂടുതൽ ആഴത്തിലാക്കാൻ പ്രതിജ്ഞാബദ്ധമായ പ്രമുഖ സ്വതന്ത്ര സ്ഥാപനമായ യുഎസ്-ഇന്ത്യ സ്ട്രാറ്റജിക് പാർട്ണർഷിപ്പ് ഫോറം (യുഎസ്ഐഎസ്പിഎഫ്), ജീവകാരുണ്യത്തിനും കോർപ്പറേറ്റ് സോഷ്യൽ റെസ്പോൺസിബിലിറ്റിക്കുമുള്ള 2023-ലെ യുഎസ്ഐഎസ്പിഎഫ് ഗ്ലോബൽ ലീഡർഷിപ്പ് അവാർഡിന് റിലയൻസ് ഫൗണ്ടേഷന്റെ സ്ഥാപകയും ചെയർമാനുമായ നിത എം. അംബാനി അർഹയായി. ഒക്ടോബർ 29-ന് ഞായറാഴ്ച ന്യൂദൽഹിയിൽ യുഎസ്ഐഎസ്പിഎഫ് ബോർഡ് അംഗങ്ങളും ഉന്നത ഇന്ത്യൻ വ്യവസായ പ്രമുഖരും ഇന്ത്യൻ സർക്കാർ ഉദ്യോഗസ്ഥരും പങ്കെടുത്ത ചടങ്ങിൽ നിത എം. അംബാനിക്ക് യുഎസ്ഐഎസ്പിഎഫ് ചെയർമാൻ ജോൺ ചേമ്പേഴ്സ് അവാർഡ് സമ്മാനിച്ചു.
“ഇന്ന്, എന്റെ മുഴുവൻ ടീമിനും വേണ്ടി ഞാൻ ഈ അവാർഡ് വിനയത്തോടും നന്ദിയോടും കൂടി സ്വീകരിക്കുന്നു. 71 ദശലക്ഷത്തിലധികം ആളുകളുടെ ജീവിതത്തെ സ്പർശിച്ച, റിലയൻസിന്റെ മിടിക്കുന്ന ഹൃദയമായ, റിലയൻസ് ഫൗണ്ടേഷനെ ഞാൻ പ്രതിനിധീകരിക്കുന്നു. റിലയൻസിൽ, നന്മ ചെയ്യുകയും തിരികെ നൽകുകയും ചെയ്യുന്നത്. കോർപ്പറേറ്റ് സാമൂഹിക പ്രതിബദ്ധത ഒരു മാനദണ്ഡമാകുന്നതിന് വളരെ മുമ്പുതന്നെ, റിലയൻസിൽ ഞങ്ങൾ സിഎംആർ അഥവാ കോർപ്പറേറ്റ് ധാർമ്മിക ഉത്തരവാദിത്തം നിറവേയിരുന്നു. അത് ഇപ്പോൾ നമ്മുടെ ‘വീ കെയർ’ എന്ന തത്ത്വചിന്തയായി മാറിയിരിക്കുന്നു. ഞങ്ങൾ ഭൂമിയെ പരിപാലിക്കുന്നു. ഞങ്ങൾ മാനവികതയെ ശ്രദ്ധിക്കുന്നു, നമ്മുടെ രാജ്യത്തെ പരിപാലിക്കുകയും ചെയ്യുന്നു”, അവാർഡ് ചടങ്ങിൽ സംസാരിച്ച നിത എം അംബാനി പറഞ്ഞു. “ഇന്ത്യയും യുഎസും തമ്മിലുള്ള സ്വാഭാവിക ബന്ധങ്ങൾ ആഴത്തിലാക്കുന്നതിൽ ശക്തമായ പാലമായതിന് യുഎസ്ഐഎസ്പിഎഫിനും അതിന്റെ നേതൃത്വത്തിനും എന്റെ ആഴമായ അഭിനന്ദനം അറിയിക്കാനും ഞാൻ ഈ അവസരം ഉപയോഗിക്കുന്നു. വെറും ആറ് വർഷത്തിനുള്ളിൽ, ഫോറം ഇന്ത്യയും യുഎസും ജനങ്ങൾ തമ്മിലുള്ളതും ബിസിനസ്സുകൾക്കിടയിലുമുള്ള ബന്ധങ്ങളെ ശക്തിപ്പെടുത്തി”, അവർ കൂട്ടിച്ചേർത്തു.
“ഒരു സ്ഥാപനത്തിന് നൽകാൻ കഴിയുന്ന ഏറ്റവും പ്രധാനപ്പെട്ട അവാർഡുകളിലൊന്ന് സാമൂഹിക ഉത്തരവാദിത്തത്തിനും ജീവകാരുണ്യത്തിനും വേണ്ടിയാണ്. ജീവിതത്തിൽ വിജയിച്ച ആളുകൾക്ക് തിരികെ നൽകുകയും മറ്റുള്ളവർക്ക് വിജയിക്കുന്നതിനുള്ള പ്ലാറ്റ്ഫോമുകൾ സൃഷ്ടിക്കുകയും ചെയ്യുന്നത് വളരെ പ്രധാനമാണ്. അത്തരത്തിലുള്ള ഒരാളാണ് നിത എം. അംബാനി, പരോപകാരത്തിന്റെ ഈ ഉദാഹരണം അവതരിപ്പിക്കുകയും റിലയൻസ് ഫൗണ്ടേഷനിലെ തന്റെ പ്രവർത്തനത്തിലൂടെ കല, കായികം, സാംസ്കാരികം, വിദ്യാഭ്യാസം തുടങ്ങിയ മേഖലകളിൽ മാതൃകാപരമായി പ്രവർത്തിക്കുകയും ചെയ്യുന്നു”, നിത എം. അംബാനിയുടെ അവാർഡിനെ കുറിച്ച് യുഎസ്ഐഎസ്പിഎഫ് ചെയർമാൻ ശ്രീ. ജോൺ ചേമ്പേഴ്സ് പറഞ്ഞു.
വിദ്യാഭ്യാസം, കല, കായികം, ആരോഗ്യ സംരക്ഷണം എന്നിവയിലൂടെ ദശലക്ഷക്കണക്കിന് ഇന്ത്യക്കാരുടെ ജീവിതത്തെ സ്വാധീനിച്ച ഫൗണ്ടേഷന്റെ നേതൃത്വം പ്രശസ്തയായ മനുഷ്യസ്നേഹിയും ബിസിനസുകാരിയുമാണ് നിത എം. അംബാനി. ലിംഗവിവേചനം പരിഹരിക്കുന്നതിനും ഇന്ത്യയുടെ വളരുന്ന സമ്പദ്വ്യവസ്ഥയിലേക്ക് സ്ത്രീകളുടെ സംഭാവനകൾ പരമാവധിയാക്കുന്നതിനുമുള്ള ദേശീയ ശ്രമങ്ങളിൽ അവരുടെ പ്രവർത്തനം ശ്രദ്ധേയമാണ്.
