തിരുവനന്തപുരം: ലോകം മുഴുവന്‍ തീവ്രവാദത്തെ എതിര്‍ക്കുമ്പോള്‍ തീവ്രവാദത്തെ പ്രോത്സാഹിപ്പിക്കുന്ന പിണറായി വിജയന് അധികാരത്തില്‍ തുടരാന്‍ അര്‍ഹതയില്ലെന്ന് ബിജെപി ദേശീയ ഉപാദ്ധ്യക്ഷന്‍ എ.പി. അബ്ദുള്ളക്കുട്ടി പറഞ്ഞു. എന്‍ഡിഎയുടെ സെക്രട്ടേറിയറ്റ് ഉപരോധത്തില്‍ സംസാരിക്കുകയായിരുന്നു അദ്ദേഹം.
ഇത്രയും അഴിമതി നിറഞ്ഞ കമ്യൂണിസ്റ്റ് ഭരണം ചരിത്രത്തില്‍ ഇല്ല. കേന്ദ്ര സിലബസ് പരിഷ്‌കരണം കേരളത്തില്‍ നടപ്പിലാക്കില്ലെന്ന് പറയുന്നത് ചരിത്ര വിഢിത്തമാണ്. സിലബസ് പരിഷ്‌കാരം നടപ്പിലാക്കിയില്ലെങ്കില്‍ വിദ്യാര്‍ത്ഥികളുടെ ഭാവി ഇരുട്ടിലാകും. ദേശീയ പരീക്ഷകള്‍ എല്ലാം കേന്ദ്ര സിലബസ് അടിസ്ഥാനമാക്കിയാണ്. ഇപ്പോള്‍ തന്നെ കേരള സിലബസിലെ വിദ്യാര്‍ത്ഥികള്‍ കേന്ദ്ര പരീക്ഷകളില്‍ പിന്നിലാണ്.
സുരേഷ് ഗോപിക്ക് എതിരെ കള്ളക്കേസ് എടുക്കുകയാണ്. ബിജെപിയെ എപ്പോഴും എതിര്‍ക്കുന്ന രമേശ് ചെന്നിത്തല വരെ സുരേഷ്‌ഗോപിയെ അനുകൂലിക്കുകയാണ്. സുരേഷ്‌ഗോപിയെ ഒരു ചുക്കും ചെയ്യാനാകില്ല. ലോക്‌സഭാ തെരഞ്ഞെടുപ്പില്‍ ബിജെപി പരുങ്ങും എന്ന് പറയുന്നത് ദേശീയ രാഷ്‌ട്രീയത്തെ കുറിച്ച് അറിയാത്തവരാണെന്നും അബ്ദുള്ളക്കുട്ടി പറഞ്ഞു.
പ്രതികരിക്കാൻ ഇവിടെ എഴുതുക: