ചങ്ങനാശ്ശേരി: ലഹരി മരുന്നുപയോഗം വഴി കൂടുതല്‍ വെല്ലുവിളി നേരിടുന്നത് സ്ത്രീ സമൂഹമാണെന്നും ലഹരിയെ തുടച്ചു നീക്കാന്‍ ഓരോ കുടുംബവും തയ്യാറാകണമെന്ന് ചലച്ചിത്രതാരം ശ്രുതി ബാല. മഹിളാ സമന്വയവേദിയുടെ നേതൃത്വത്തില്‍ ചങ്ങനാശ്ശേരി പാലത്തറ ഈസ്റ്റ് വെസ്റ്റ് ഓഡിറ്റോറിയത്തില്‍ നടത്തിയ മഹിളാ ശക്തി സംഗമം ഉദ്ഘാടനം ചെയ്യുകയായിരുന്നു ശ്രുതി ബാല.
സഞ്ജീവനി ഹോസ്പിറ്റല്‍ ഡോ. ഭാഗ്യ ലക്ഷ്മി അധ്യക്ഷയായി. മാതാ അമൃതാനന്ദമയി മഠം അധ്യക്ഷ നിഷ്ഠമൃത പ്രാണ, ബ്രഹ്മകുമാരീസ് സിസ്റ്റര്‍ സൗമ്യ എന്നിവര്‍ അനുഗ്രഹ പ്രഭാഷണം നടത്തി. മഹിളാ സമന്വയവേദി സംസ്ഥാന സംയോജിക അഡ്വ. അഞ്ജന ദേവി മുഖ്യപ്രഭാഷണം നടത്തി.
തുടര്‍ന്ന് ലഹരി വിരുദ്ധ പ്രതിജ്ഞയും ഉണ്ടായിരുന്നു. ലെഫ്റ്റ് ജനറല്‍ എ.ബി. കാഞ്ചന, ഹിന്ദുഐക്യവേദി സംസ്ഥാന ജനറല്‍ സെക്രട്ടറി ബിന്ദു മോഹന്‍, അഡ്വ.ലതികാ സുനില്‍, ഷൈലമ്മ രാജപ്പന്‍ എന്നിവര്‍ സംസാരിച്ചു.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: