ഗുരുവായൂര്‍: ഗുരുവായൂര്‍ ക്ഷേത്രത്തിന്റെ 384 കോടി രൂപ സ്ഥിരനിക്ഷേപമായി കേരള ബാങ്കിലുണ്ടെന്നത് ഞെട്ടിക്കുന്നുവെന്ന് ബിജെപി. ഈ പണം ഉടനെ പിന്‍വലിക്കണമെന്നും ബിജെപി തൃശൂര‍് ജില്ലാ പ്രസിഡന്‍റ് കെ.കെ. അനീഷ് കുമാര്‍ ആവശ്യപ്പെട്ടു.
ജില്ലാ സഹകരണബാങ്കില്‍ നിക്ഷേപിച്ചിട്ടുള്ള ഗുരുവായൂര്‍ ദേവസ്വത്തിന്റെ പണം പിന്‍വലിക്കണം. സാമ്പത്തിക പ്രതിസന്ധിയിലായ ബാങ്കാണ് കേരള ബാങ്ക്. ഇതിലെ പണം എത്രയും വേഗം പിന്‍വലിച്ച് ദേശസാല്‍കൃത ബാങ്കില്‍ നിക്ഷേപിക്കണം. – അനീഷ് കുമാര്‍ ആവശ്യപ്പെട്ടു.
സംസ്ഥാന സര്‍ക്കാരിന്റെ ഉറപ്പ് വിശ്വസിച്ച് കെടിഡിഎഫ് സിയില്‍ നിക്ഷേപിച്ച ശ്രീരാമകൃഷ്ണ മഠത്തിന്റെ 130 കോടി തിരിച്ചുലഭിച്ചിട്ടില്ല. ഗുരുവായൂര്‍ ദേവ്സ്വത്തിന്റെ പണം അവിഹിതമായി ഇത്തരം സംഘങ്ങളില്‍ നിക്ഷേപിച്ചതിന് പിന്നില്‍ അഴിമതിയുണ്ട്. ഇതേക്കുറിച്ച് വിശദമായി അന്വേഷിക്കണം.- അനീഷ് കുമാര്‍ പറഞ്ഞു.
ആകെ 17 ബാങ്കുകളിലായി ഗുരുവായൂര്‍ ദേവസ്വത്തിന്റെ 1975 കോടി രൂപയോളം നിക്ഷേപിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: