തിരുവനന്തപുരം:യുവാവിന്റെ തല അടിച്ചു പൊട്ടിച്ച കേസില് സാമൂഹ്യ മാധ്യമ താരം മീശ വിനീത് പൊലീസ് പിടിയില്. മടവൂര് സ്വദേശിയുടെ തല അടിച്ചു പൊട്ടിച്ച കേസിലാണ് പള്ളിക്കല് പൊലീസ് ഇയാളെ പിടികൂടിയത്.
മീശവിനീതും മറ്റ് മൂന്നു പേരും രണ്ടു ബൈക്കുകളിലായി മടവൂരില് എത്തി യുവാവിനെ ആക്രമിക്കുകയായിരുന്നു. കേസിലെ മൂന്നാം പ്രതിയാണ് വിനീത് . മറ്റ് പ്രതികളെ പിടികൂടിയിട്ടില്ല.ഇക്കഴിഞ്ഞ 16ന് ആയിരുന്നു കേസിനാസ്പദമായ സംഭവം നടന്നത്.
ഇന്സ്റ്റഗ്രാമിലൂടെ പരിചയപ്പെട്ട യുവതിയില് നിന്നും സ്വര്ണാഭരണങ്ങള് തട്ടിയെടുത്ത കേസില് മീശ വിനീത് ഓഗസ്റ്റില് പൊലീസ് പിടിയിലായിരുന്നു. സ്വര്ണാഭരണങ്ങള് തിരികെ ചോദിച്ച യുവതിയെ വീട്ടിലേക്ക് വിളിച്ചു വരുത്തിയശേഷം വീടിനുള്ളില് വച്ച് മര്ദ്ദിച്ചെന്ന പരാതിയിലാണ് അന്ന് വിനീതിനെ പൊലീസ് പിടികൂടിയത്.
കിളിമാനൂര് വെള്ളല്ലൂര് സ്വദേശിയാണ് ‘മീശ വിനീത്’ എന്ന് വിളിക്കുന്ന വിനീത് (26) മോഷണം ഉള്പ്പെടെ നിരവധി കേസുകളില് പ്രതിയാണ്.
