ന്യൂദല്‍ഹി: ആദാനിയെ ഇകഴ്‌ത്താന്‍ ടിഎംസി എംപി മഹുവ മൊയ്ത്ര കൈക്കൂലി വാങ്ങി പാര്‍ലമെന്റില്‍ ചോദ്യം ഉന്നയിച്ചുവെന്ന ആരോപണം സത്യമെന്ന് വ്യവസായി ദര്‍ശന്‍ ഹിരാനന്ദാനി. ബിജെപി എംപി നിഷികാന്ത് ദുബെയുടെ ആരോപണങ്ങള്‍ എല്ലാം ശരിയെന്ന് വ്യക്തമാക്കുന്ന സത്യവാങ്മൂലം സമര്‍പ്പിച്ച് വ്യവസായി ദര്‍ശന്‍ ഹിരാനന്ദാനി
പാര്‍ലമെന്റ് എത്തിക്‌സ് കമ്മിറ്റിക്ക് മുമ്പാകെ നല്‍കിയ സത്യവാങ്മൂലത്തിലാണ് അദേഹം ഇക്കാര്യം വ്യക്തമാക്കിയത്. താന്‍ ദുബായിലാണ് താമസിക്കുന്നതെന്നും ഒക്ടോബര്‍ 14 ന് അഭിഭാഷകന്‍ ജയ് അനന്ത് ദേഹാദ്രായി സിബിഐക്കും ബിജെപി എംപി നിഷികാന്ത് ദുബെയ്‌ക്കും എഴുതിയ കത്തുകള്‍ തനിക്ക് ലഭിച്ചതെന്ന് ദര്‍ശന്‍ ഹിരാനന്ദാനി തന്റെ മൂന്നു പേജ് ഒപ്പിട്ട സത്യവാങ്മൂലത്തില്‍ പറയുന്നു
തന്റെ സത്യവാങ്മൂലത്തില്‍ വ്യാവസായി ടിഎംസി എംപി മഹുവ മൊയ്ത്രയുമായുള്ള സൗഹൃദം സമ്മതിക്കുന്നു. 2017ലെ ബംഗാള്‍ ഉച്ചകോടിയില്‍ വെച്ചാണ് താന്‍ മഹുവയെ കണ്ടുമുട്ടിയത് അന്നുമുതല്‍ എനിക്ക് മഹുവയെ അറിയാം. കാലക്രമേണ, എംപി എന്റെ ഒരു അടുത്ത സുഹൃത്തായി മാറി. എന്നിരുന്നാലും, ഞങ്ങളുടെ ഇടപെടലുകള്‍ വളര്‍ന്നപ്പോള്‍ അവര്‍ ആവശ്യങ്ങള്‍ ഉന്നയിക്കാനും തുടങ്ങി.
അദാനി ഗ്രൂപ്പിനെ ആക്രമിക്കുന്നത് പ്രശസ്തിയിലേക്കുള്ള വഴിയായാണ് ടിഎംസി എംപി കണ്ടതെന്ന് ഹിരാനന്ദാനി അവകാശപ്പെടുന്നു. 2019 മെയ് മാസത്തില്‍ അവര്‍ ലോക്‌സഭാ എംപിയായി. പ്രശസ്തിയിലേക്കുള്ള ഏറ്റവും ചെറിയ വഴി നരേന്ദ്ര മോദിയെ ആക്രമിക്കുകയാണെന്ന് അവരുടെ സുഹൃത്തുക്കള്‍ അവരെ ഉപദേശിച്ചു.
മഹുവ മൊയ്ത്ര തന്റെ പാര്‍ലമെന്റ് ലോഗിന്‍ ക്രെഡന്‍ഷ്യലുകള്‍ എന്നോട് പങ്കിട്ടു. ഇന്ത്യന്‍ ഓയില്‍ കോര്‍പ്പറേഷന്‍ അദാനി ഗ്രൂപ്പിന്റെ സംയുക്ത സംരംഭമായ ധമ്ര എല്‍എന്‍ജിയുമായി ഒരു കരാറില്‍ ഏര്‍പ്പെടുകയാണെന്ന് അവള്‍ക്ക് അറിയാമായിരുന്നു. സര്‍ക്കാരിനെ നാണംകെടുത്താനും അദാനി ഗ്രൂപ്പിനെ ലക്ഷ്യം വയ്‌ക്കാനുമുള്ള ഘടകങ്ങള്‍ പാര്‍ലമെന്റില്‍ ഉന്നയിക്കാവുന്ന ചില ചോദ്യങ്ങള്‍ അവര്‍ തയ്യാറാക്കി.
എംപി എന്ന നിലയില്‍ അവരുടെ ഇമെയില്‍ ഐഡി എന്നോട് പങ്കിട്ടു, അതിനാല്‍ എനിക്ക് അവര്‍ക്ക് വിവരങ്ങള്‍ അയയ്‌ക്കാനും അവര്‍ക്ക് ചോദ്യങ്ങള്‍ ഉന്നയിക്കാനും കഴിഞ്ഞു. ഞാന്‍ അവരുടെ നിര്‍ദ്ദേശത്തിനൊപ്പം പ്രവര്‍ത്തിക്കുകയാണ് ചെയ്തതെന്നും അദ്ദേഹം തന്റെ സത്യവാങ്മൂലത്തില്‍ വ്യക്തമാക്കി.
പ്രതികരിക്കാൻ ഇവിടെ എഴുതുക: