ചെറുനാരങ്ങ ഉപയോഗിച്ച് ദുര്ഗാ ദേവിയുടെ ശില്പം നിര്മ്മിച്ച് പ്രശസ്ത മണല് കലാകാരനും പത്മശ്രീ അവാര്ഡ് ജേതാവുമായ സുദര്ശന് പട്നായിക്. ഒഡീഷയിലെ നവരാത്രി ഉത്സവത്തിന്റെ ഭാഗമായാണ് അദ്ദേഹം ദുര്ഗാ ദേവിയുടെ ശില്പ്പം നിര്മ്മിച്ചത്. 5000-ത്തോളം ചെറുനാരങ്ങ ഉപയോഗിച്ചാണ് ശില്പം യാഥാര്ത്ഥ്യമാക്കിയത്.
ലോകകപ്പ് ക്രിക്കറ്റില് വിജയം നേടാനായി പ്രാര്ത്ഥിക്കുന്ന ഇന്ത്യന് ടീമിനെയും ശില്പ്പത്തില് ചേര്ത്തിട്ടുണ്ട്. ഒഡീഷയിലെ പുരി ബീച്ചിലാണ് പട്നായിക് മണല് ശില്പ്പം നിര്മ്മിച്ചത്. ടീം ഭാരതത്തിനായി ദുര്ഗാ ദേവിക്ക് മുന്നില് പ്രാര്ത്ഥനയോടെ എന്ന സന്ദേശവും ശില്പ്പത്തിനൊപ്പം എഴുതിയിരിക്കുന്നു.
മിക്ക വിശേഷ ദിവസങ്ങളിലും പട്നായിക് സന്ദേശങ്ങള് നല്കുന്ന ശില്പങ്ങള് മണലില് നിര്മ്മിക്കാറുണ്ട്. നേരത്തെ കാര്ഷിക ശാസ്ത്രജ്ഞനും ഇന്ത്യയുടെ ഹരിതവിപ്ലവത്തിന്റെ ചാലകശക്തിയുമായ എംഎസ് സ്വാമിനാഥനെ പട്നായിക് ആദരിച്ചിരുന്നു. ശില്പ്പത്തിനായി നാല് ടണ് മണലാണ് ഉപയോഗിച്ചത്.
