ശിവഗിരി: ശിവഗിരിയില് ഇന്ന് നവരാത്രിദീപം തെളിക്കും. രാവിലെ 9.30ന് ധര്മസംഘം ട്രസ്റ്റ് പ്രസിഡന്റ് സ്വാമി സച്ചിദാനന്ദ നവരാത്രി സമ്മേളനം ഉദ്ഘാടനം ചെയ്തു. ധര്മസംഘം ട്രസ്റ്റ് ജനറല് സെക്രട്ടറി സ്വാമി ശുഭാംഗാനന്ദ അധ്യക്ഷത വഹിക്കും.
ട്രസ്റ്റ് ബോര്ഡംഗങ്ങളായ സ്വാമി ബോധിതീര്ത്ഥ, സ്വാമി വിശാലാനന്ദ, സ്വാമി ഋതംഭരാനന്ദ എന്നിവരും മറ്റു സംന്യാസിമാരും ബ്രഹ്മചാരികളും സംബന്ധിക്കും. നടന് ഇന്ദ്രന്സ് നവരാത്രി ദീപം തെളിക്കും.
മേജര് ഡോ. വിശ്വനാഥന് രചിച്ച നാരായണം കൃതിയുടെ പ്രകാശനവും നടക്കും. 24 വരെ സംസ്ഥാനത്തിനകത്തും പുറത്തും നിന്നുള്ള ഒട്ടേറെ കലാപ്രതിഭകള് വിവിധ പരിപാടികള് അവതരിപ്പിക്കും. നവരാത്രി ആഘോഷദിനങ്ങളില് ശിവഗിരി ശ്രീശാരദാദേവി സന്നിധിയില് ഭക്തര്ക്ക് നവരാത്രി പൂജയ്ക്കുള്ള അവസരം ഉണ്ടായിരിക്കും.
