അടുത്തിടെ നിരവധി ഫീച്ചറുകളാണ് വാട്ട്സ്ആപ്പിൽ കമ്പനി അവതരിപ്പിച്ചിരിക്കുന്നത്. ഉപയോക്താക്കൾക്ക് കൂടുതൽ സ്വകാര്യത വാഗ്ദാനം ചെയ്യുന്ന അപ്ഡേറ്റുകളാണ് അടുത്തിടെ പുറത്തു വന്നത്. ഇപ്പോഴിതാ സീക്രട്ട് കോഡ് എന്ന പുതിയ ഫീച്ചറാണ് കമ്പനി അവതരിക്കാൻ ഒരുങ്ങുന്നത്. വാട്ട്സ്ആപ്പിൽ ലഭ്യമാക്കിയിട്ടുള്ള പ്രൈവസി ഫീച്ചറിനെ കൂടുതൽ ശക്തമാക്കുന്ന ഒന്നാണ് സീക്രട്ട് കോഡ്.
ഏത് രഹസ്യവും ഭദ്രമായി സൂക്ഷിക്കാൻ സഹായിക്കുന്നു എന്നതാണ് സീക്രട്ട് കോഡിന്റെ സവിശേഷത. ലോക്ക് ചെയ്തിട്ടുള്ള ചാറ്റുകളുടെ സുരക്ഷക്ക് വേണ്ടിയാണ് പുതിയ ഫീച്ചർ അവതരിപ്പിക്കുന്നത്. വൈകാതെ തന്നെ പുതിയ ഫീച്ചർ ഉപയോക്താക്കളിലേക്ക് എത്തിക്കുമെന്നാണ് പുറത്തു വരുന്ന റിപ്പോർട്ട്. ലോക്ക് ചെയ്തിട്ടുള്ള ചാറ്റുകളുടെ സുരക്ഷയും ഇതിലേക്ക് മറ്റുള്ളവർ പ്രവേശിക്കാതിരിക്കുകയും ചെയ്യുക എന്നതാണ് സീക്രട്ട് കോഡ് ലക്ഷ്യം വെക്കുന്നത്.
ലോക്ക് ചെയ്തിട്ടുള്ള ചാറ്റുകൾക്ക് ഒരു രഹസ്യ കോഡ് സൃഷ്ടിക്കാൻ സഹായിക്കുന്ന ഫീച്ചറാണിത്. രഹസ്യ ചാറ്റുകൾ ആക്സസ് ചെയ്യുന്നതിനുള്ള ഒരു പാസ് വേർഡ് ആയി ഇത് പ്രവർത്തിക്കും.
