വിവാഹ വാഗ്ദാനം നൽകി പീഡിപ്പിച്ചെന്ന കാസർഗോഡ് സ്വദേശി യുവതിയുടെ പരാതിയിൽ അറസ്റ്റിലായി ഇടക്കാല ജ്യാമ്യം നേടിയ നടൻ ഷിയാസ് കരീം പോലീസിനോട് പറഞ്ഞ കാര്യങ്ങളാണ് ഇപ്പോൾ ചർച്ചയാകുന്നത് ,താൻ യുവതിക്ക് വിവാഹ വാഗ്ദാനം നലകിയിരുന്നു എന്നും ലൈംഗികാകമായി പീഡിപ്പിച്ചിട്ടില്ല എന്നുമാണ് നടൻ പോലീസിനോട് തുറന്നു പറഞ്ഞത് .യുവതി നേരത്തെ വിവാഹിതയാണെന്നും അതിലൊരു മകനുണ്ടെന്നുമുള്ള വിവരം മറച്ചുവെച്ചു.ഇതോടെയാണ് വിവാഹ വാഗ്ദനത്തിൽ നിന്നും പിന്മാറിയത്,പീഡനം നടന്നു എന്ന മൊഴി കള്ളമാണ് ഷിയാസ് കാസർകോട് ചന്തേര പൊലീസിന് മൊഴി നൽകി.
അറസ്റ്റ് രേഖപ്പെടുത്തിയതിനാൽ ഇന്ന് തന്നെ ഷിയാസിനെ ഹൊസ്ദുർഗ് കോടതിയിൽ ഹാജരാക്കും. ഇന്ന് രാവിലെ ആറരയോടെയാണ് ഷിയാസ് കരീമിനെ പൊലീസ് ചന്തേരയിലേക്ക് എത്തിച്ചത്. കഴിഞ്ഞ ദിവസ്സം ചെന്നൈ വിമാനത്താവളത്തിൽ വച്ചാണ് ഷിയാസിനെ പൊലീസ് കസ്റ്റഡിയിലെടുത്തത്.2021 ഏപ്രിൽ മുതൽ പീഡിപ്പിച്ചുവെന്നും വിവാഹം കഴിക്കണമെന്ന് ആവശ്യപ്പെട്ടപ്പോൾ മർദ്ദിച്ചുവെന്നും പരാതിയിൽ ആരോപിക്കുന്നു. എറണാകുളത്ത് ജോലി ചെയ്യുന്ന പരാതിക്കാരിയുടെ പക്കൽ നിന്നും ലക്ഷങ്ങള് ഷിയാസ് കരീം തട്ടിയെടുത്തെന്നും ആക്ഷേപമുണ്ട്.ഒക്ടോബർ അഞ്ചിനായിരുന്നു നടനെ പോലീസ് കസ്റ്റഡിയിലെടുത്തത് ,എന്നാൽ ഹൈക്കോടതിയിൽ നിന്നും ഇടക്കാല ജാമ്യം ലഭിച്ചിരുന്നു .
