തിരുവനന്തപുരം: പോലീസ് ജീപ്പ് അപകടത്തില്പെട്ട് പോലീസുകാരന് മരിച്ചു. തിരുവനന്തപുരം പാളയം എകെജി സെന്ററിന് മുന്നിലാണ് അപകടം. കണ്ട്രോള് റൂമിലെ പോലീസുകാരന് അജയകുമാറാണ് മരിച്ചത്.അപകടത്തില് എസ്ഐ ഉള്പ്പെടെ രണ്ടുപേര്ക്ക് പരിക്കേറ്റിട്ടുണ്ട്.
നിയന്ത്രണം തെറ്റിയ കണ്ട്രോള് റും വാഹനം പോസ്റ്റില് ഇടിക്കുകയായിരുന്നു. ഹൈവേയില് നിന്നും ഇന്ധനം നിറയ്ക്കാന് എത്തുമ്പോഴാണ് അപകടം ഉണ്ടായത്. ഇടിയുടെ ആഘാതത്തില് അജയകുമാര് പുറത്തേക്ക് തെറിച്ച് വീഴുകയും തല റോഡില് ഇടിക്കുകയുമായിരുന്നു. ജീപ്പിലുണ്ടായിരുന്ന എസ് ഐ വിജയകുമാര്, ഡ്രൈവർ അഖില് എന്നിവരെ പരിക്കുകളോടെ ആശുപത്രിയില് പ്രവേശിപ്പിച്ചു.
