ആലപ്പുഴ: ടൂറിസം വകുപ്പിനെതിരെ രൂക്ഷ വിമര്‍ശനവുമായി യു. പ്രതിഭ എംഎല്‍എ. ടൂറിസം വകുപ്പിന് കായംകുളത്തിനോടും മണ്ഡലത്തിലെ വിനോദ സഞ്ചാര മേഖലയോടും കടുത്ത അവഗണനയാണ് കാണിക്കുന്നതെന്ന് എംഎല്‍എ തുറന്നടിച്ചു. കായംകുളം കായലോരത്ത് നടന്ന ശുചീകരണം ഉദ്ഘാടനം ചെയ്യുകയായിരുന്നു യു. പ്രതിഭ.
ടൂറിസം ഭൂപടത്തില്‍ കായംകുളം ഇല്ലേയെന്നാണ് സംശയം. ബീച്ചും പുന്നമടയും മാത്രമാണ് ടൂറിസം എന്നാണ് മിഥ്യാധാരണ. മന്ത്രി മുഹമ്മദ് റിയാസിനെ അടക്കം പല മന്ത്രിമാരേയും സമീപിച്ചിട്ടും പരിഹാരമായില്ല. കായംകുളം ആലപ്പുഴയുടെ ഭാഗമാണെന്ന് ഭരണാധികാരികള്‍ ഓര്‍ക്കണം. ടൂറിസം വകുപ്പ് സ്ഥാപിച്ച മത്സ്യകന്യക വെയില്‍ കൊണ്ട് കറുത്തു-എംഎൽഎ പറഞ്ഞു.
മണ്ഡലത്തിലെ വിനോദസഞ്ചാര മേഖല അവഗണനയാല്‍ വീര്‍പ്പുമുട്ടുകയാണെന്നും യു പ്രതിഭ കുറ്റപ്പെടുത്തി. ഉദ്ഘാടന പ്രസംഗത്തിനിടെ എംഎല്‍എ പരസ്യമായായിരുന്നു എംഎൽഎയുടെ പ്രതിഷേധം രേഖപ്പെടുത്തൽ. ഇതിന് മുന്‍പും സര്‍ക്കാരിനെ വിമര്‍ശിച്ച് രംഗത്ത് വന്നിട്ടുള്ളയാളാണ് യു. പ്രതിഭ എംഎല്‍എ.
പ്രതികരിക്കാൻ ഇവിടെ എഴുതുക: