തിരുവമ്പാടിയിൽ ബിജെപി നേതാവിന്റെ വീടിന് നേരെ സിപിഎം അക്രമം; പ്രധാനവാതിൽ പൊളിച്ച് അകത്ത് കടന്ന് ഭീകരാന്തരീക്ഷം സൃഷ്ടിച്ചു

കോഴിക്കോട്: ബിജെപി തിരുവമ്പാടി മണ്ഡലം വൈസ് പ്രസിഡൻ്റ് മാളിക വീട് ശശിയുടെ വീടിന് നേരെയാണ് ഇന്ന് പുലർച്ചെ ഒരു മണിയോടെ സിപിഎം അക്രമം ഉണ്ടായത്. സിപിഎം അടിവാരം ലോക്കൽ സെക്രട്ടറി ഷൈജലിന്റെ നേതൃത്വത്തിൽ ഇരുപതോളം പേരടങ്ങുന്ന സംഘമാണ് വീട് ആക്രമിച്ചത്.

അക്രമികൾ വടിവാളും ഇരുമ്പുവടിയുമായി വീടിന്റെ പ്രധാന വാതിൽ പൊളിച്ച് അകത്ത് കടന്ന് ഭീകരാന്തരീക്ഷം സൃഷ്ടിക്കുകയും വീടിന്റെ ജനൽചില്ലുകളും സോഫയു മറ്റു ഫർണ്ണിച്ചറുകളും അടുക്കളയിലെ ഭക്ഷണ പദാർത്ഥങ്ങളുൾപ്പെടെ നശിപ്പിച്ചു. അക്രമത്തിൽ ശശിയുടെ മാതാവിനും ആറുവയസ്സും ഒമ്പത് മാസം പ്രായമുള്ള മക്കൾക്കും പരിക്കുപറ്റി. ഇവർ സ്വകാര്യ ആശുപത്രിയിൽ ചികിത്സ തേടി.

അക്രമത്തിനിരയായ വീട് ബിജെപി ജില്ലാ പ്രസിഡൻ്റ് അഡ്വ.വി.കെ.സജീവൻ സന്ദർശിച്ചു.