അമ്മയുമായി വഴക്കിട്ടു വീട്ടിൽ നിന്നിറങ്ങി; രണ്ടു ദിവസമായി കാണാതായ പ്ലസ് വൺ വിദ്യാർഥിനി കിണറ്റിൽ മരിച്ച നിലയിൽ

തൃശൂർ: ഇരിങ്ങാലക്കുട കാട്ടൂരിൽ രണ്ടു ദിവസമായി കാണാതായ പ്ലസ് വൺ വിദ്യാർഥിനിയെ കിണറ്റിൽ മരിച്ച നിലയിൽ കണ്ടെത്തി. കാട്ടൂർ വലക്കഴ സ്വദേശി ചാഴിവീട്ടിൽ അർജുന്‍ – ശ്രീകല ദമ്പതദികളുടെ മകൾ അർച്ചന (17) യുടെ മൃതദേഹമാണ് വീടിന് സമീപമുള്ള കിണറ്റിൽ കണ്ടെത്തിയത്.

വെള്ളിയാഴ്ചയാണ് കുട്ടിയെ കാണാതായത്. അന്നു തന്നെ കാട്ടൂർ പോലീസിൽ കുടുംബം പാരാതി നൽകിയിരുന്നു. കഴിഞ്ഞ ദിവസം കുട്ടിയെ അന്വേഷിച്ച് കുടുംബം ആലപ്പുഴയിലടക്കം പോയിരുന്നു. കണ്ടെത്തനാവതെ തിരിച്ച് വീട്ടിൽ എത്തിയപ്പോഴാണ് കുട്ടിയെ കിണറ്റിൽ മരിച്ച നിലയിൽ കണ്ടെത്തിയത്.

അമ്മയുമായി വഴക്കിട്ടു വീട്ടിൽ നിന്നിറങ്ങുകയായിരുന്നു എന്നാണ് വിവരം. പോസ്റ്റുമോർട്ടം നടപടികൾക്കു ശേഷം മത്രമേ മരണവുമായി ബന്ധപ്പെട്ട് കൂടുതൽ വ്യക്തതയുണ്ടാകൂ എന്ന് പോലീസ് പറയുന്നു.