റിലയൻസ് റീട്ടെയിൽ സ്‌റ്റോറുകൾ, റിലയൻസ് ഡിജിറ്റൽ ഓൺലൈൻ, ജിയോ മാർട്ട് എന്നിവയിൽ നിന്നും ഐഫോൺ സ്വന്തമാക്കുന്ന ഉപഭോക്താക്കൾക്ക് സ്‌പെഷ്യൽ ഓഫറുമായി ജിയോ. പ്രതിമാസം 399 രൂപയുടെ കോംപ്ലിമെന്ററി പ്ലാൻ ആണ് ഇതിനൊപ്പം സൗജന്യമായി ലഭിക്കുക. 2,394 രൂപയുടെ കോംപ്ലിമെന്ററി ആനുകൂല്യങ്ങളാണ് ജിയോ നൽകുന്നത്. ഇതിന് പുറമെ ദിവസേന 3ജിബി, അൺലിമിറ്റഡ് വോയ്‌സ് കോൾ, 100 എസ്എംഎസ് എന്നീ സേവനങ്ങളും ലഭ്യമാകും.
സെപ്റ്റംബർ 22 മുതലാണ് ഓഫർ ആരംഭിച്ചത്. ഒരു ഐഫോൺ 15-ൽ പുതിയ പ്രീപെയ്ഡ് ജിയോ സിം ഇടുകയാണെങ്കിൽ കോംപ്ലിമെന്ററി ഓഫർ മൊബൈൽ കണക്ഷനിൽ 72 മണിക്കൂറിനുള്ളിൽ ഓട്ടോ ക്രെഡിറ്റ് ആകുന്നതായിരിക്കും. ഓഫർ ആക്ടിവേറ്റ് ആകുന്നതോടെ എസ്എംഎസ് മുഖേന ഉപയോക്താക്കളെ അറിയിക്കും. ഐഫോൺ 15-ൽ മാത്രം കോംപ്ലിമെന്ററി പ്ലാൻ പ്രവർത്തിക്കുന്ന രീതിയിലാണ് അവതരിപ്പിച്ചിരിക്കുന്നത്.
49 അല്ലെങ്കിൽ ഇതിന് മുകളിലുള്ള പ്ലാനുകളിലെ പുതിയ പ്രീപെയ്ഡ് ആക്ടിവേഷനുകൾക്ക് ഓഫർ ബാധകമാണ്. ഓഫർ ലഭ്യമാകുന്നതിനായി പുതിയ സിം കാർഡ് എടുക്കുകയോ മൊബൈൽ
നമ്പർ പോർട്ട് ചെയ്യുകയോ ചെയ്യാവുന്നതാണ്.
