തിരുവനന്തപുരം: സ്കൂള് വിദ്യാര്ത്ഥിയുടെ കൈ തല്ലിയൊടിച്ച് സഹപാഠികള്. പാറശാല ജിഎച്ച്എസ്എസ് ഒന്പതാം ക്ലാസ് വിദ്യാര്ഥി കൃഷ്ണകുമാറിനാണ് മര്ദ്ദനമേറ്റത്. സംഭവത്തില് രണ്ടു വിദ്യാര്ഥികള്ക്കെതിരെ പാറശാല പൊലീസില് പരാതി നല്കി.
ഉച്ചയ്ക്ക് സ്കൂളില് വെച്ച് രണ്ട് വിദ്യാര്ഥികള് തമ്മില് തര്ക്കമുണ്ടായി. ക്ലാസ് ലീഡര് എന്ന നിലയില് കൃഷ്ണകുമാര് വിഷയത്തില് ഇടപെട്ടു. തുടര്ന്ന് ഇക്കാര്യം കൃഷ്ണകുമാര് അദ്ധ്യാപകരെ അറിയിച്ചു. സ്കൂള് വിട്ടതിന് ശേഷം സ്കൂള് അധികൃതരെ വിവരം അറിയിച്ചത് എന്തിനാണ് എന്ന് ചോദിച്ച് വിദ്യാര്ത്ഥികള് കൃഷ്ണകുമാറുമായി വാക്കുതര്ക്കത്തില് ഏര്പ്പെട്ടു.
വാക്കുതര്ക്കത്തിനിടെ സഹപാഠികള് കൃഷ്ണകുമാറിന്റെ കൈ തല്ലിയൊടിച്ച് മര്ദ്ദിക്കുകയായിരുന്നു. ഉടന് തന്നെ കൃഷ്ണ കുമാറിന് ചികിത്സ നല്കി. കൈ ഒടിഞ്ഞതിനെ തുടര്ന്ന് കുട്ടിയുടെ കൈയില് പ്ലാസ്റ്റര് ഇട്ടിട്ടുണ്ട്.
