പാലക്കാട്: തൃത്താല മേഖലയിലുള്ള വ്യാപക മോഷണ പരമ്പരയിലെ മോഷ്ടാവ് പിടിയിൽ. കണ്ണൂർ ഇരിക്കൂർ സ്വദേശി ഇസ്മയിലിനെയാണ് തൃത്താല പോലീസ് പിടികൂടിയത്. കൊല്ലത്ത് എത്തിയ പോലീസ് തന്ത്രപരമായി പ്രതിയെ പിടികൂടുകയായിരുന്നു. മോഷണം നടത്തിയ സ്ഥലങ്ങളിൽ എത്തിച്ച് തെളിവെടുപ്പ് നടത്തി.
ആനക്കരയിൽ വീട് കുത്തിത്തുറന്ന് പ്രതി മോഷണം നടത്തിയിരുന്നു. അന്ന് സിസിടിവി ക്യാമറയിൽ പതിഞ്ഞ ദൃശ്യങ്ങൾ കേന്ദ്രീകരിച്ച് നടത്തിയ അന്വേഷണത്തിലാണ് ഇയാൾ പിടിയിലാകുന്നത്. ആനക്കരയിലെ രണ്ടു വീടുകളിലും, ഞാങ്ങാട്ടിരിയിൽ യുവതിയുടെ മാലപൊട്ടിച്ചതുമടക്കം പ്രദേശത്തെ അഞ്ച് വീടുകളിലാണ് പ്രതി മോഷണം നടത്തിയത്.
