മുംബയ് : അടുത്തമാസം 5ന് ഇന്ത്യയില് ആരംഭിക്കുന്ന ഏകദിന ലോകകപ്പിന് മുന്നോടിയായി സൂപ്പര്താരം രജനികാന്തിന് ബി സി സി ഐ ഗോള്ഡന് ടിക്കറ്റ് സമ്മാനിച്ചു. സിനിമകള് കൊണ്ട് ലോകമൊട്ടാകെ ആരാധകരെ സൃഷ്ടിച്ച താരം വിശിഷ്ടാതിഥിയായി ക്രിക്കറ്റ് മാമാങ്കത്തില് പങ്കെടുക്കും.
ഓണററി സെക്രട്ടറി ജയ് ഷാ ടിക്കറ്റ് രജനീകാന്തിന് കൈമാറുന്ന ചിത്രം ബിസിസിഐ സാമൂഹ്യ മാധ്യമത്തില് പങ്കുവച്ചിട്ടുണ്ട്.ലോകകപ്പിന്റെ പ്രചാരണാര്ഥം വിവിധ രംഗങ്ങളിലെ പ്രമുഖര്ക്ക് ബിസിസിഐ ഗോള്ഡന് ടിക്കറ്റ് നല്കുന്നുണ്ട്.
ഗോള്ഡന് ടിക്കറ്റ് വഴി ടൂര്ണമെന്റിലെ എല്ലാ മത്സരങ്ങളും നേരിട്ടു കാണാനാകും. 2019 ലോകകപ്പ് ഫൈനലില് കളിച്ച ഇംഗ്ലണ്ടും ന്യൂസിലന്ഡും അഹമ്മദാബാദിലെ ഉദ്ഘാടന മത്സരത്തില് ഏറ്റുമുട്ടുന്നതോടെ ടൂര്ണമെന്റിന് തുടക്കമാകും.
