തിരുവനന്തപുരം: മന്ത്രി കെ രാധാകൃഷ്ണന് നേരെ ഉണ്ടായത് ജാതി അധിക്ഷേപമല്ലെന്നും ക്ഷേത്രത്തിലെ ആചാരമാണ് നടന്നതെന്നുമുളള യോഗക്ഷേമ സഭയുടെയും തന്ത്രി സമാജത്തിന്റെയും വാദത്തിന് മറുപടിയുമായി മന്ത്രി.
ആദ്യമായല്ല താന് ക്ഷേത്രത്തില് പോകുന്നത്. ക്ഷേത്രത്തിന് പുറത്തായിരുന്നു പരിപാടി. ദേവപൂജ കഴിയുന്നത് വരെ ആരെയും സ്പര്ശിക്കില്ലെങ്കില് എന്തിനാണ് പൂജാരി പുറത്തിറങ്ങിയതെന്നും മന്ത്രി ചോദിച്ചു.
മാസങ്ങള്ക്കുശേഷം കാര്യം വെളിപ്പെടുത്തിയതില് ഒരു ദുഷ്ടലാക്കുമില്ല. പ്രസംഗം നടത്തിയ ദിവസം രാവിലെ രണ്ട് വാര്ത്തകള് വായിച്ചു. ദളിത് വേട്ടയുടെ വാര്ത്തയായിരുന്നു അത്. അതിനു ശേഷം നടന്ന പരിപാടിയില് അനുഭവം വെളിപ്പെടുത്തുകയായിരുന്നു. കണ്ണൂരിലെ വേദിയില് തന്നെ പ്രതികരിച്ചിരുന്നവെങ്കിലും അന്ന് അത് ചര്ച്ച ആയില്ല.ചര്ച്ച ഉയര്ത്തി കൊണ്ടുവരുന്നത് ചില സമയങ്ങളാണ് എന്നും മന്ത്രി പറഞ്ഞു.
