തിരുവനന്തപുരം: കെഎസ്ആർടിസിയിലും സ്വിഫ്റ്റിലും ജോലി വാഗ്ദാനം ചെയ്ത് പണം തട്ടിയെടുത്ത കേസിൽ പ്രതി അറസ്റ്റിൽ. തിരുവനന്തപുരം ശ്രീവരാഹം സ്വദേശി സ്വരൂപ് കണ്ണനാണ് അറസ്റ്റിലായത്. പ്രതി കസ്റ്റഡിയിൽ ആയെന്ന വിവരം അറിഞ്ഞ് തട്ടിപ്പിനിരയായ നിരവധി പേർ പോലീസ് സ്റ്റേഷനിൽ എത്തി പ്രതിഷേധിച്ചു.
ഇന്നലെ വൈകിട്ട് ഏഴ് മണിയോടെയാണ് കസ്റ്റഡിയിൽ എടുത്തത്. കെഎസ്ആർടിയിലും സ്വിഫ്റ്റിലുമായി വിവിധ തസ്തികകളിൽ ജോലി വാങ്ങി നൽകാമെന്നും താൻകെഎസ്ആർടിസിയിലെ ഉയർന്ന ഉദ്യോഗസ്ഥനാണെന്നും പറഞ്ഞായിരുന്നു 3,000 രൂപ മുതൽ ഒരു ലക്ഷം രൂപ വരെയാണ് പലരിൽ നിന്നായി ഇയാൾ തട്ടിയെടുത്തത്. പണം തട്ടിയതിന് പിന്നാലെ പുതിയ ജോലിയിൽ പ്രവേശിക്കുന്നതിനായി നിലവിലുള്ള ജോലി രാജി വെക്കണമെന്ന് പ്രതി പറഞ്ഞു. ഇത് വിശ്വസിച്ച് പലരും ജോലി രാജിവെച്ചു. പറഞ്ഞ സമയം കഴിഞ്ഞും ജോലി ലഭിക്കാത്തതിനെ തുടർന്ന് നടത്തിയ അന്വേഷണത്തിനൊടുവിലാണ് തട്ടിപ്പിനിരയായെന്ന് തിരിച്ചറിയുന്നത്.
