തിരുവനന്തപുരം: സംസ്ഥാനത്ത് ന്യൂനമര്ദ്ദം രൂപപ്പെടാന് സാധ്യതയുള്ളതായി കാലാവസ്ഥ വകുപ്പ്. വരുന്ന 48 മണിക്കൂറിനിടയില് ചക്രവാതച്ചുഴി ന്യൂനമര്ദ്ദമായി ശക്തി പ്രാപിക്കാന് സാധ്യതയുണ്ട്. ഇന്ന് ഇടുക്കി, എറണാകുളം ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്.
അടുത്ത അഞ്ച് ദിവസവും മഴ തുടരാന് സാധ്യതയുള്ളതായാണ് കാലാവസ്ഥ വകുപ്പ് നല്കുന്ന മുന്നറിയിപ്പ്. രണ്ട് ചക്രവാതച്ചുഴിയും ന്യൂനമര്ദ്ദ സാധ്യതയുമാണ് മഴ തുടരാന് കാരണം. തെക്ക് കിഴക്കന് രാജസ്ഥാന് മുകളില് നിലനിന്നിരുന്ന ന്യൂനമര്ദം കിഴക്കന് രാജസ്ഥാന് മുകളില് ചക്രവാതച്ചുഴിയായി മാറി.
വടക്ക് കിഴക്കന് ബംഗാള് ഉള്ക്കടലിനും മദ്ധ്യ കിഴക്കന് ബംഗാള് ഉള്ക്കടലിനും മുകളിലായി മറ്റൊരു ചക്രവാതച്ചുഴിയും രൂപപ്പെട്ടിട്ടുണ്ട്. കേരള,കര്ണാടക,ലക്ഷദ്വീപ് തീരങ്ങളില് മത്സ്യബന്ധനത്തിന് തടസമില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചുണ്ട്.
