പെരുമ്പാവൂര്: മോഹന്ലാല് പ്രതിയായ ആനക്കൊമ്പ് കേസില് വിചാരണ നടപടികള് കേരളാ ഹൈക്കോടതി ആറുമാസത്തേക്ക് സ്റ്റേ ചെയ്തു. വിചാരണയ്ക്കായി മോഹന്ലാലിനോട് അടുത്തമാസം കോടതിയില് നേരിട്ടു ഹാജരാകണമെന്ന് നിര്ദേശിച്ചിരുന്നു. ഇതിലുള്ള തുടര്നടപടികളാണ് കോടതി സ്റ്റേ ചെയ്തത്.
ആനക്കൊമ്പ് കേസില് നടന് മോഹന്ലാല് ഉള്പ്പെടെയുള്ള പ്രതികള് നവംബര് മൂന്നിന് നേരിട്ട് ഹാജരാകണമെന്നായിരുന്നു ആഗസ്ത് മാസം പെരുമ്പാവൂര് മജിസ്ട്രേറ്റ് കോടതി നിര്ദേശിച്ചത്. കേസ് പിന്വലിക്കണമെന്ന സര്ക്കാരിന്റെ അപേക്ഷയും കോടതി തള്ളിയിരുന്നു.
ആവശ്യം പൊതുതാത്പര്യത്തിന് വിരുദ്ധമാണെന്നായിരുന്നു അന്ന് കോടതി വിലയിരുത്തിയത്. മോഹന്ലാലിന്റെ എറണാകുളത്തെ വീട്ടില് അനധികൃതമായി ആനക്കൊമ്പ് സൂക്ഷിച്ചത് സംബന്ധിച്ച് 2011ല് ആദായനികതി വകുപ്പാണ് കേസ് രജിസ്റ്റര് ചെയ്തത്. കേസ് പിന്നീട് വനം വകുപ്പിന് കൈമാറുകയായിരുന്നു.
