പാലക്കാട്: എസ്എഫ്‌ഐ പ്രവര്‍ത്തകര്‍ക്ക് നേരെ ലാത്തി വീശിയ എസ്‌ഐക്ക് സ്ഥലമാറ്റം. പാലക്കാട് ചെര്‍പ്പുളശ്ശേരി സ്‌റ്റേഷനിലെ സബ് ഇന്‍സ്‌പെക്ടര്‍ ബി. പ്രമോദിനെയാണ് പാലക്കാട് നര്‍ക്കോട്ടിക് സെല്ലിലേക്ക് സ്ഥലം മാറ്റിയത്. ജില്ലാ പോലീസ് മേധാവി ഇത് സംബന്ധിച്ച് ഉത്തരവിറക്കി.
ചെര്‍പ്പുളശ്ശേരി ബസ് സ്റ്റാന്‍ഡില്‍ എസ്എഫ്‌ഐയും ബസ് ജീവനക്കാരും തമ്മില്‍ ഉണ്ടായ സംഘര്‍ഷത്തില്‍ തങ്ങള്‍ക്ക് നേരെ എസ്‌ഐ ലാത്തി വീശിയെന്ന് എസ്എഫ്‌ഐ പ്രവര്‍ത്തകര്‍ ആരോപണം ഉന്നയിച്ചിരുന്നു. ഇതിന് പിന്നാലെയാണ് സ്ഥലം മാറ്റം. തിങ്കളാഴ്ചയാണ് ചെര്‍പ്പുളശ്ശേരിയില്‍ ബസ് ജീവനക്കാരും എസ്എഫ്‌ഐയും തമ്മില്‍ സംഘര്‍ഷമുണ്ടായത്.
വിദ്യാര്‍ഥികളെ ബസില്‍ കയറ്റുന്നതുമായി ബന്ധപ്പെട്ടായിരുന്നു ബസ് സ്റ്റാന്‍ഡില്‍ സംഘര്‍ഷമുണ്ടായത്. പിറ്റേന്ന്, ജീവനക്കാരെ മര്‍ദിച്ചവര്‍ക്കെതിരെ നടപടിയെടുക്കണമെന്ന് ആവശ്യപ്പെട്ട് സ്വകാര്യ ബസുകളുടെ മിന്നല്‍ പണിമുടക്കും നടത്തിയിരുന്നു.
പ്രതികരിക്കാൻ ഇവിടെ എഴുതുക: