കോട്ടയം: ഉമ്മന്ചാണ്ടിയുടെ മരണത്തെ തുടര്ന്നുണ്ടായ സഹതാപ തരംഗം കൊണ്ട് വിജയ ദീപം തെളിക്കാന് നെട്ടോട്ടമോടിയ കോണ്ഗ്രസ് നേതാക്കള്ക്കും ചാണ്ടി ഉമ്മനും മുന്പില് ഓടിയത് ഉമ്മന് ചാണ്ടിയുടെ മകള് അച്ചു ഉമ്മനാണ്.
യുഡിഎഫിന്റേതു വിജയമല്ല മരണത്തെ മാര്ക്കറ്റ് ചെയ്ത് ഉണ്ടാക്കിയെടുത്ത കോണ്ഗ്രസ് കച്ചവട തന്ത്രമാണെന്ന് ബിജെപി സെന്ട്രല് സോണ് പ്രസിഡന്റും റബ്ബര് ബോര്ഡ് അംഗവുമായ എന്. ഹരി പറഞ്ഞു.
ഇതിനു പിന്നില് കൂട്ടി വായിക്കേണ്ട പലതുമുണ്ട്. വരാന് പോകുന്ന ലോക്സഭാ തിരഞ്ഞെടുപ്പുവരെ അപ്പയുടെ വിജയം, അപ്പയുടെ മത്സരം എന്ന് അച്ചു ഉമ്മനും ആവര്ത്തിച്ചു കൊണ്ടേ ഇരിക്കും.
ചാണ്ടി ഉമ്മന്റെ പ്രചാരണത്തിലും വിജയത്തിലും പഞ്ചു ഡയലോഗുകള് അടിച്ച് കോട്ടയം പാര്ലമെന്റ് സീറ്റിലേക്കുള്ള കോണ്ഗ്രസ് മത്സരാര്ത്ഥിയായി അച്ചു ഉമ്മന് മാറുന്ന അതി വിദഗ്ദ്ധമായ കാഴ്ചയാണ് പ്രമുഖ മാധ്യമങ്ങളിലൂടെയും കോണ്ഗ്രസ് സൈബറിടങ്ങളിലൂടെയും കാണാന് കഴിയുന്നത്. കോണ്ഗ്രസ് നേതൃത്വം ഇതിനായി കൃത്യമായ പി ആര് വര്ക്ക് തുടങ്ങിക്കഴിഞ്ഞു എന്ന് വേണം മനസിലാക്കാനെന്നും അദേഹം പറഞ്ഞു.
പുതുപ്പള്ളിയില് എട്ടില് ആറു പഞ്ചായത്തും ഭരിക്കുന്ന ഇടതുമുന്നണിയില് നിന്നുകൊണ്ട് തന്നെ സിപിഎമ്മിനെ കാലുവാരിയ കേരള കോണ്ഗ്രസിന്റെ വോട്ടുറപ്പിക്കാനും അച്ചുവിലൂടെ കോണ്ഗ്രസിന് സാധിക്കും എന്നതാണ് കോണ്ഗ്രസിന്റെ കണക്കുകൂട്ടല്.
ഉപതിരഞ്ഞെടുപ്പ് പ്രഖ്യാപിച്ച അന്നുമുതല് ഇന്നുവരെ അച്ചു ഉമ്മന് കൃത്യമായ സ്പെയ്സ് നല്കാന് കോണ്ഗ്രസിനും അവരുടെ സൈബര് ഇടങ്ങള്ക്കും കഴിഞ്ഞു എന്നതിന്റെ സ്പഷ്ടമായ തെളിവും ഉത്തരവുമാണ് ചാണ്ടി ഉമ്മന്റെ വിജയവും ഒടുവില് ഉമ്മന് ചാണ്ടിയുടെ മകളിലേക്കു ഫോക്കസ് ചെയ്യുന്നതിലൂടെ മനസിലാകുന്നത്.
