പുതുക്കാട്: പുതുക്കാട് പോലീസ് സ്‌റ്റേഷന് സമീപം ദേശീയപാതയില്‍ രണ്ട് അപകടങ്ങളില്‍ മൂന്ന് വാഹനങ്ങള്‍ കൂട്ടിയിടിച്ചു. ശനിയാഴ്ച രാവിലെ ഒന്‍പതരയോടെ ഏറ്റുമാനൂരിലേക്ക് കുടുംബവുമായി പോയ കാറില്‍ പിക്കപ്പ് ഇടിച്ച് കാറിന്റെ മുന്‍ഭാഗം തകര്‍ന്നു. അപകടത്തിനിടയാക്കിയ പിക്കപ്പ് നിര്‍ത്താതെ പോയി. മലപ്പുറം തിരൂര്‍ സ്വദേശി വള്ളത്തോള്‍ കാര്‍ത്തികയില്‍ പ്രഭാകരനും കുടുംബവും സഞ്ചരിച്ച കാറാണ് അപകടത്തില്‍പ്പെട്ടത്. തൊട്ടുപിന്നാലെ എറണാകുളം ഭാഗത്തേക്ക് പോയ രണ്ട് കാറുകള്‍ കൂട്ടിയിടിച്ചു. പാലക്കാട് ആലത്തൂര്‍ സ്വദേശികള്‍ സഞ്ചരിച്ചിരുന്ന കാറിന് പുറകില്‍ മറ്റൊരു കാര്‍ ഇടിക്കുകയായിരുന്നു. രണ്ട് കാറുകള്‍ക്കും കേടുപാടുകള്‍ സംഭവിച്ചു. അപകടങ്ങളില്‍ ആര്‍ക്കും പരിക്കില്ല.
Saturday, November 23, 2024
രണ്ട് അപകടങ്ങളില്‍ മൂന്ന് കാറുകള്‍ കൂട്ടിയിടിച്ചു
പുതുക്കാട് പോലീസ് സ്‌റ്റേഷന് സമീപം ദേശീയപാതയില്‍ രണ്ട് കാറുകള്‍ കൂട്ടിയിടിച്ച നിലയില്‍.
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: