ഗുരുവായൂര്‍: ചിങ്ങമാസം പിറന്നതോടെ ഗുരുവായൂര്‍ ക്ഷേത്രത്തില്‍ വിവാഹ തിരക്കും വര്‍ദ്ധിച്ചു. മുന്‍കൂട്ടി ബുക്ക് ചെയ്ത 35 വിവാഹങ്ങളുള്‍പ്പടെ നാല്‍പതോളം വിവാഹങ്ങളാണ് ഇന്നലെ നടന്നത്.
രാവിലെ 5 മണിക്കാരംഭിച്ച വിവാഹങ്ങള്‍, ഉച്ചപൂജ നടതുറന്ന സമയം വരെ നീണ്ടു. ചിങ്ങമാസത്തിലെ ആദ്യ ഞായറാഴ്‌ച്ചയായ അത്തം നാളില്‍ ക്ഷേത്രത്തില്‍ 120 വിവാഹങ്ങളാണ് ഇതുവരെ ബുക്കു ചെയ്തിട്ടുള്ളത്. 200 ഓളം ദേവസ്വം പ്രതീക്ഷിക്കുന്നുണ്ട്.
കൊറോണക്കുശേഷം ഗുരുവായൂര്‍ ക്ഷേത്രത്തില്‍ സമീപകാലത്ത് നടന്ന റിക്കാര്‍ഡ് വിവാഹങ്ങള്‍ 247 ആണ്. സപ്തം. 3 ന് ആ റിക്കാര്‍ഡും തകര്‍ക്കുമെന്നതിനാല്‍, വിപുലമായ സൗകര്യങ്ങളാണ് ദേവസ്വം മുന്‍കൂട്ടി ഒരുക്കുന്നത്.
ജന്മഭൂമി ഓണ്‍ലൈന്‍