മിയാമി: അമേരിക്കന്‍ ഫുട്‌ബോള്‍ ലീഗായ മേജര്‍ ലീഗ് സോക്കര്‍(എംഎല്‍എസ്) വരും സീസണ്‍ ഇന്റര്‍മിയാമിയുടെ ആദ്യ മത്സരം നീളും. ലീഗ്‌സ് കപ്പ് പുരോഗമിക്കുന്നതിനാല്‍ മത്സരം നീളുന്നതോടെ ലീഗില്‍ സൂപ്പര്‍ താരം ലയണല്‍ മെസിയുടെ കന്നിപ്പോരട്ടവും വൈകും.
നാളെ നടക്കുന്ന ലീഗ്‌സ് കപ്പ് ക്വാര്‍ട്ടറില്‍ ചാര്‍ലോറ്റി എഫ്‌സിക്കെതിരെയാണ് ഇന്റര്‍മിയാമിയുടെ മത്സരം. എംഎല്‍എസില്‍ ഇരുടീമുകളുടെയും ആദ്യപോരാട്ടം നേര്‍ക്കുനേര്‍ തന്നെയാണ്.
ഈ മാസം 20നാണ് എംഎല്‍എസ് മത്സരം നിശ്ചയിച്ചിരുന്നത്. നിലവിലെ ലീഗ്‌സ് കപ്പ് സാഹചര്യത്തില്‍ മത്സരം നീട്ടിയിരിക്കുകയാണ്. 26നായിരിക്കുമെന്ന സൂചന ശക്തമാണ്.
ഇന്ത്യന്‍ സമയം നാളെ രാവിലെ ആറിന് നടക്കുന്ന ലീഗ്‌സ് കപ്പ് ക്വാര്‍ട്ടര്‍ പോരാട്ടം ഇന്റര്‍മിയാമിയുടെ തട്ടകമായ ഡിആര്‍വി പിഎന്‍കെ സ്റ്റേഡിയത്തിലാണ്.
എംഎല്‍എസ് തുടങ്ങുന്നതിന് മുമ്പായി മെസിയും ഇന്റര്‍മിയാമിയും മറ്റൊരു ടൂര്‍ണമെന്റിന് കൂടി ഒരുങ്ങുന്നുണ്ട്. ഈ മാസം 23ന് യുഎസ് ഓപ്പണ്‍ കപ്പ് ഫുട്‌ബോല്‍ സെമിയില്‍ എഫ്‌സി സിന്‍സിനാറ്റിയെ ആണ് ടീം നേരിടുക.
പ്രതികരിക്കാൻ ഇവിടെ എഴുതുക: