ചിങ്ങവനം: മതവികാരത്തെ വ്രണപ്പെടുത്തുകയും പ്രധാനമന്ത്രി നരേന്ദ്രമോദിയെയും അമിത് ഷായേയും മോശപ്പെട്ട രീതിയില് ചിത്രീകരിക്കുകയും വര്ഗീയത സൃഷ്ടിക്കുന്ന തരത്തില് പോസ്റ്റുകള് സമൂഹമാധ്യമങ്ങളില് പങ്കുവെക്കുകയും ചെയ്ത ചിങ്ങവനം സ്കൂളിലെ അധ്യാപകന് അജീഷിനെതിരെ നടപടിയെടുക്കണമെന്നാവശ്യപ്പെട്ട് യുവമോര്ച്ച മാര്ച്ച് നടത്തി.
യുവമോര്ച്ച ജില്ലാ പ്രസിഡന്റ് വിഷ്ണു വഞ്ചിമല ഉദ്ഘാടനം ചെയ്തു. മാര്ച്ചില് ജനറല് സെക്രട്ടറിമാരായ അരവിന്ദ് ശങ്കര്, രോഹിന് ടി.എസ്, ബിജെപി മുന് സംസ്ഥാന കൗണ്സില് അംഗം ഡോ. ഇ.കെ. വിജയകുമാര്, പനച്ചിക്കാട് മണ്ഡലം വൈസ് പ്രസിഡന്റ് ജയന് ജി. നായര്, മാടപ്പള്ളി മണ്ഡലം ജനറല് സെക്രട്ടറി ബി.ആര്. മഞ്ജീഷ്, ബിജെപി ജില്ലാ മീഡിയ കണ്വീനര് ഗോകുല് സുരേഷ്, യുവമോര്ച്ച ജില്ലാ സെക്രട്ടറി മണിക്കുട്ടന്, ട്രഷറര് അനീഷ്, ബിജെപി പനച്ചിക്കാട് ഏരിയ പ്രസിഡന്റ് എം.എന്. ഓമനക്കുട്ടന്, വാര്ഡ് മെമ്പര് സുമ മുകുന്ദന് തുടങ്ങിയവര് സംസാരിച്ചു. മാര്ച്ചിന് ശേഷം യുവമോര്ച്ച, ബിജെപി നേതാക്കള് സ്കൂള് അധികാരികളുമായി ചര്ച്ച നടത്തി.
