ഇംഫാല്‍ : മണിപ്പൂരിലെ അക്രമ സംഭവങ്ങളെ തുടര്‍ന്ന് പ്രതിപക്ഷ പാര്‍ട്ടികളുടെ പ്രതിഷേത്തിന്റ പശ്ചാത്തലത്തില്‍ തുടര്‍ച്ചയായ മൂന്നാം ദിവസവും പാര്‍ലമെന്റിലെ ഇരു സഭകളും തടസപ്പെട്ടു. ലോക്സഭയും രാജ്യസഭയും ഉച്ചയ്‌ക്ക് 2.30 മണി വരെ നിര്‍ത്തിവച്ചു.
ലോക്സഭയില്‍, ഉച്ചയ്‌ക്ക് 12 മണിക്ക് ആദ്യം നിര്‍ത്തിവച്ച ശേഷം സഭ സമ്മേളിച്ചപ്പോള്‍, കോണ്‍ഗ്രസ്, ഡിഎംകെ, ജെഡിയു എന്നിവയുള്‍പ്പെടെയുള്ള പ്രതിപക്ഷ പാര്‍ട്ടി അംഗങ്ങള്‍ വീണ്ടും മുദ്രാവാക്യം ഉയര്‍ത്തുകയും പ്ലക്കാര്‍ഡുകള്‍ പ്രദര്‍ശിപ്പിക്കുകയും ചെയ്തു. മണിപ്പൂര്‍ അക്രമത്തില്‍ പ്രധാനമന്ത്രി നരേന്ദ്ര മോദി സഭയില്‍ പ്രസ്താവന നടത്തണമെന്ന് അവര്‍ ആവശ്യപ്പെട്ടു.
ബഹളത്തിനിടയില്‍ മൂന്ന് ബില്ലുകള്‍ സഭയില്‍ അവതരിപ്പിച്ചു. സഭ പ്രവര്‍ത്തിക്കാന്‍ അനുവദിക്കണമെന്ന് പ്രിസൈഡിംഗ് ഓഫീസര്‍ പ്രതിഷേധിച്ച അംഗങ്ങളോട് ആവര്‍ത്തിച്ച് ആവശ്യപ്പെട്ടെങ്കിലും മുദ്രാവാക്യം വിളിക്കുന്നത് തുടര്‍ന്നു. ഈ പശ്ചാത്തലത്തില്‍ ഇത് സഭ ഉച്ചയ്‌ക്ക് 2 മണി വരെ നിര്‍ത്തിവച്ചു. രാവിലെ, സഭ സമ്മേളിച്ചപ്പോള്‍, കോണ്‍ഗ്രസ്, ഡിഎംകെ, ജെഡിയു എന്നിവയുള്‍പ്പെടെയുള്ള പ്രതിപക്ഷ പാര്‍ട്ടി അംഗങ്ങള്‍ മുദ്രാവാക്യം വിളിക്കുകയും പ്ലക്കാര്‍ഡുകള്‍ ഉയര്‍ത്തുകയും ചെയ്തു.
ഇതിനിടെ സര്‍ക്കാര്‍ ചര്ച്ചയ്ക്ക് തയ്യാറാണെന്നും സര്‍വകക്ഷി സമവായത്തിന് ശേഷം 12 മണിക്ക് ശേഷം അത് പരിഗണിക്കാമെന്നും സ്പീക്കര്‍ ഓം ബിര്‍ള പറഞ്ഞു. എന്നാല്‍, പ്രതിപക്ഷം പ്ലക്കാര്‍ഡുകളുമായി പ്രതിഷേധം തുടര്‍ന്നു. മണിപ്പൂരിലെ അക്രമം വളരെ പ്രധാനപ്പെട്ട വിഷയമാണെന്നും അത് ഉടനടി പരിഗണിക്കണമെന്നും കോണ്‍ഗ്രസിന്റെ അധീര്‍ രഞ്ജന്‍ ചൗധരി പറഞ്ഞു. മണിപ്പൂര്‍ വിഷയത്തില്‍ സര്‍ക്കാര്‍ ചര്ച്ചയ്ക്ക് തയ്യാറാണെന്ന് പാര്‍ലമെന്ററി കാര്യ മന്ത്രി പ്രഹ്ലാദ് ജോഷി മറുപടി നല്‍കി. മണിപ്പൂര്‍ വിഷയത്തില്‍ പ്രതിപക്ഷം ഗൗരവം കാണിക്കുന്നില്ലെന്ന് രക്ഷാമന്ത്രി രാജ്നാഥ് സിംഗ് ആരോപിച്ചു. ബഹളത്തിനിടയില്‍ സ്പീക്കര്‍ ചോദ്യോത്തര വേള നടത്താന്‍ ശ്രമിച്ചെങ്കിലും ഫലമുണ്ടായില്ല.
പ്രതികരിക്കാൻ ഇവിടെ എഴുതുക: