ന്യൂദല്‍ഹി: ബിഡിജെഎസ് അധ്യക്ഷനും എന്‍ഡിഎ കേരള ഘടകം കണ്‍വീനറുമായ തുഷാര്‍ വെള്ളാപ്പള്ളി ബിജെപി ദേശീയ അധ്യക്ഷന്‍ ജെ.പി. നദ്ദയുമായി കൂടിക്കാഴ്ച നടത്തി. കേരളത്തില്‍ എന്‍ഡിഎ വിപുലീകരിക്കുന്നത് സംബന്ധിച്ച് ചര്‍ച്ച നടത്തി. മധ്യതിരുവിതാംകൂറിലെ ഒരു പ്രമുഖ പാര്‍ട്ടി എന്‍ഡിഎയില്‍ ചേരുന്നതുമായി ബന്ധപ്പെട്ട ചര്‍ച്ചകള്‍ നടന്നു വരുന്നതായി തുഷാര്‍ നദ്ദയെ അറിയിച്ചു.
വരും ദിവസങ്ങളില്‍ ശക്തമായ കാമ്പയിനുകള്‍ നടത്താനും അതിന് തന്ത്രങ്ങള്‍ മെനയാനും എന്‍ഡിഎയുടെ വിശാലമായ യോഗം കേരളത്തില്‍ ചേരും.
നെല്‍, റബര്‍ കര്‍ഷകര്‍ക്കും താങ്ങുവിലയ്‌ക്ക് കൂടുതല്‍ ഫണ്ട് അനുവദിക്കണമെന്നും നദ്ദയ്‌ക്കു നല്കിയ നിവേദനത്തില്‍ തുഷാര്‍ ആവശ്യപ്പെട്ടു. മോദി സര്‍ക്കാര്‍ നടപ്പാക്കിയ കേരളത്തിലെ വികസന പദ്ധതികള്‍ ജനങ്ങളിലേക്ക് എത്തിക്കാന്‍ പ്രവര്‍ത്തനങ്ങളും കാമ്പയിനുകളും ഭവന സന്ദര്‍ശനവും നടത്തും. സംസ്ഥാന ട്രഷറര്‍ അനിരുദ്ധ കാര്‍ത്തികേയനും തുഷാറിനൊപ്പം ഉണ്ടായിരുന്നു.
പ്രതികരിക്കാൻ ഇവിടെ എഴുതുക: