ന്യൂദല്‍ഹി: പശ്ചിമബംഗാളിലും യുവതിയെ നഗ്നയാക്കി നടത്തിച്ച വാര്‍ത്ത പുറത്തുവന്നു.. മണിപ്പൂരിന് സമാനമായ സംഭവം ബംഗാളിലും നടന്നുവെന്ന് പൊട്ടിക്കരഞ്ഞ് ബിജെപി എംപി ലോകേത് ചാറ്റര്‍ജി പൊട്ടിക്കരഞ്ഞ് പറയുന്നത് വൈറല്‍ ആയിരിക്കുകയാണ്..’പെണ്‍കുട്ടിയുടെ തുണിയുരിച്ച് കളഞ്ഞ് റോഡിലൂടെ നടത്തിച്ചു’ ബംഗാളില്‍ ഈയിടെ നടന്ന പഞ്ചായത്ത്‌തെരഞ്ഞെടുപ്പ് കാലത്ത് തൃണമൂല്‍ ഗുണ്ടകള്‍ കാണിച്ച ക്രൂരതകള്‍ എണ്ണിപ്പറയുമ്പോള്‍ ലോകേത് ചാറ്റര്‍ജി പൊട്ടിക്കരഞ്ഞു.
പഞ്ചായത്ത് തെരഞ്ഞെടുപ്പില്‍ ബിജെപി സ്ഥാനാര്‍ത്ഥിയായ വനിതയെ ഭരണകക്ഷിയായ തൃണമൂല്‍ കോണ്‍ഗ്രസ്സുകാര്‍ ബൂത്തില്‍നിന്ന് വലിച്ചിഴച്ച് നഗ്നയാക്കി നടത്തിക്കുകയുണ്ടായി. തൃണമൂല്‍ സ്ഥാനാര്‍ത്ഥിയുടെ നേതൃത്വത്തില്‍ അന്‍പതോളം വരുന്ന സംഘമാണ് ഇത് ചെയ്തത്. ഹൗറ ജില്ലയില്‍ നടന്ന ഈ സംഭവത്തില്‍ പോലീസിന് പരാതി നല്‍കിയിട്ടും അക്രമികള്‍ക്കെതിരെ നടപടിയുണ്ടായിട്ടില്ല.
മുഖ്യമന്ത്രി മമത ബാനര്‍ജി രക്തസാക്ഷി ദിനം ആഘോഷിക്കുമ്പോഴാണ് സ്ത്രീകളെ തുണിയുരിച്ച് ബംഗാളില്‍ തൃണമൂല്‍ ഗുണ്ടകള്‍ നടത്തിച്ചത്. ‘മണിപ്പൂരില്‍ സംഭവിച്ച അതേ സംഭവം ബംഗാളിലും നടന്നിരുന്നു.’ ബിജെപി ബംഗാള്‍ അധ്യക്ഷന്‍ സുകാന്ത മജുംദാര്‍ പറഞ്ഞു. ഇതേ തൃണമൂലുകാരാണ് മണിപ്പൂരിലെ വനിതകള്‍ക്കുവേണ്ടി ഒച്ചവയ്‌ക്കുന്നത്.
മണിപ്പൂരിലെ ദൗര്‍ഭാഗ്യകരമായ സംഭവം വിറ്റഴിക്കാന്‍ ശ്രമിക്കുന്ന മറ്റൊരു സംസ്ഥാനം കേരളമാണ്. വടക്കു കിഴക്കന്‍ സംസ്ഥാനങ്ങളിലെ െ്രെകസ്തവര്‍ ബിജെപിയെ പിന്തുണയ്‌ക്കുന്ന രീതിയില്‍ ഇവിടുത്തെ െ്രെകസ്തവര്‍ ബിജെപിയോട് അടുക്കുന്നത് തടയാനുള്ള രാഷ്‌ട്രീയ നീക്കത്തിന്റെ ഭാഗമാണിത്. കേരളത്തിലെ െ്രെകസ്തവ ന്യൂനപക്ഷം ജിഹാദി തീവ്രവാദത്തിന്റെ ഇരകളാവുന്നതിനെതിരെ ചെറുവിരലനക്കാത്തവരാണ് മണിപ്പൂരിന്റെ പേരില്‍ െ്രെകസ്തവ വിശ്വാസികളെ തെറ്റിദ്ധരിപ്പിക്കാന്‍ ശ്രമിക്കുന്നത്. വാളയാറിലെ പെണ്‍കുട്ടികള്‍ ക്രൂരമായ ബലാല്‍സംഗത്തിനിരയായി കൊലചെയ്യപ്പെട്ട സംഭവത്തിലെ പ്രതികളെ ഭരണത്തിന്റെ സ്വാധീനം ഉപയോഗിച്ച് രക്ഷിക്കാന്‍ ശ്രമിക്കുന്നവരും മണിപ്പൂര്‍ സംഭവത്തിന്റെ പേരില്‍ മുതലക്കണ്ണീരൊഴുക്കുന്നു
പ്രതികരിക്കാൻ ഇവിടെ എഴുതുക: