ചെറുതുരുത്തി: വള്ളത്തോള്‍ നഗര്‍ ഗ്രാമ പഞ്ചായത്തിലെ വെട്ടിക്കാട്ടിരിയിലുള്ള മത്സ്യ മാര്‍ക്കറ്റില്‍ ഭക്ഷ്യ സുരക്ഷാ വകുപ്പും, ആരോഗ്യ വകുപ്പും സംയുക്തമായി പരിശോധന നടത്തി.
പുലര്‍ച്ചെ 3.45 ആരംഭിച്ച പരിശോധന രാവിലെ 5.30 വരെ നീണ്ടു. ചേലക്കര ഭക്ഷ്യസുരക്ഷാ വകുപ്പ് ഓഫീസര്‍ ആസാദ് പി.വി, മണലൂര്‍ ഭക്ഷ്യസുരക്ഷ വകുപ്പ് ഓഫീസര്‍ അരുണ്‍ പി. കാര്യാട്ട്, ഫുഡ് അനലിസ്റ്റ് സുമേഷ് പി.എസ്. എന്നിവരെ കൂടാതെ വള്ളത്തോള്‍ നഗര്‍ എഫ്എച്ച്‌സിയിലെ ഹെല്‍ത്ത് ഇന്‍സ്‌പെക്ടര്‍ ഇന്‍ ചാര്‍ജ് ആയ രാജീവ് പി.പി.യും പരിശോധനയില്‍ പങ്കെടുത്തു. സഞ്ചരിക്കുന്ന ജില്ലാ മത്സ്യ പരിശോധന ലാബിന്റെ വണ്ടിയില്‍ വെച്ചായിരുന്നു സാമ്പിള്‍ പരിശോധന.
പ്രതികരിക്കാൻ ഇവിടെ എഴുതുക: