പൊന്‍കുന്നം: പൊന്‍കുന്നംപാലാ റോഡില്‍ ഇളങ്ങുളം രണ്ടാംമൈലില്‍ സോളാര്‍ ലൈറ്റുകളുടെ ബാറ്ററികള്‍ മോഷണം പോയി. രണ്ട് പോസ്റ്റുകളിലെ ബാറ്ററികള്‍ നഷ്ടപ്പെട്ടിട്ടുണ്ട്. കേടായിക്കിടന്ന വഴിവിളക്കുകളുടെ ബാറ്ററികളാണ് മോഷണം പോയത്. കഴിഞ്ഞ ദിവസം പൈകയില്‍ ഏതാനും സൗരവിളക്കുകളുടെ ബാറ്ററികളും മോഷണം പോയിരുന്നു. വാഹനം അരികുചേര്‍ത്തുനിര്‍ത്തി അതില്‍ നിന്നുകൊണ്ട് ബാറ്ററികളുടെ പെട്ടി തകര്‍ത്ത് മോഷണം നടത്തിയതായാണ് സൂചന.
പുനലൂര്‍മൂവാറ്റുപുഴ സംസ്ഥാനപാതയായി പൊന്‍കുന്നംപാലാ റോഡ് നവീകരിച്ചപ്പോള്‍ സ്ഥാപിച്ച വഴിവിളക്കുകളിലേറെയും മൂന്ന് വര്‍ഷത്തിനകം കേടാവുകയും കുറെയെണ്ണം വാഹനമിടിച്ച് തകരുകയും ചെയ്തിരുന്നു. വാറന്റി കാലാവധിയില്‍ തകരാറിലായവ നന്നാക്കാന്‍ നടപടിയെടുത്തുമില്ല. പിന്നീട് ബാക്കി ലൈറ്റുകളും തകരാറിലായി. നാനൂറിലേറെ വഴിവിളക്കുകളാണ് ഇത്തരത്തില്‍ നശിക്കുന്നത്.
പ്രതികരിക്കാൻ ഇവിടെ എഴുതുക: