ന്യൂദല്ഹി : മാനനഷ്ടക്കേസില് പരമാവധി ശിക്ഷയായ രണ്ട് വര്ഷത്തെ തടവ് നല്കുന്നതിനായി എന്ത് ഗൗരവമുള്ള പ്രസ്താവനയാണ് രാഹുല് നടത്തിയതെന്ന് കോണ്ഗ്രസ്. അവ്യക്തമായ വിധി പ്രസ്താവയാണ് ഇന്നും നടത്തിയത്. രാജ്യത്തെ പ്രധാന വിഷയങ്ങളില് നിന്നും ശ്രദ്ധ തിരിച്ചു വിടാനുള്ള ഉപകരണം മാത്രമാണ് ഈ കേസെന്നും കോണ്ഗ്രസ് വക്താവ് മനു അഭിഷേക് സിങ്വി പറഞ്ഞു. വാര്ത്താ സമ്മേളനത്തില് സംസാരിക്കുകയായിരുന്നു അദ്ദേഹം.
ഒരു പ്രത്യേക സമുദായത്തിന് മാനഹാനി ഉണ്ടാക്കുന്നതൊന്നും രാഹുല് പറഞ്ഞിട്ടില്ല. കേസില് വാദം പൂര്ത്തിയായി 66 ദിവസങ്ങള്ക്ക് ശേഷമാണ് വിധി പ്രസ്താവന പുറത്തുവന്നിരിക്കുന്നത്. രാഹുലിനോട് സ്വാഭാവിക നീതി നിഷേധമാണ് കാണിച്ചിരിക്കുന്നത്. ജനങ്ങളെ അപമാനിക്കുന്ന ഒരു ആളല്ല രാഹുല്. ജനങ്ങള്ക്ക് മുന്നില് ഇത് തുറന്നുകാട്ടും. നിയമത്തിന് മുന്നില് ഇനിയും വഴികളുണ്ട്. ഗുജറാത്ത് ഹൈക്കോടതി വിധിക്കെതിരെ സുപ്രീംകോടതിയെ സമീപിക്കുമെന്നും സിങ്വി കൂട്ടിച്ചേര്ത്തു.
കര്ണാടകയിലെ കോലാറില് കഴിഞ്ഞ മാര്ച്ചില് നടത്തിയ പ്രസംഗമാണ് കേസിനാധാരം. മോഷ്ടാക്കള്ക്കെല്ലാം മോദി എന്ന് പേരുള്ളത് എന്തുകൊണ്ടെന്നായിരുന്നു രാഹുലിന്റെ വിവാദ പരാമര്ശം. ഇതിനെതിരെ നല്കിയ പരാതിയില് സൂറത്ത് കോടതി രണ്ട് വര്ഷത്തെ തടവ് ശിക്ഷയ്ക്ക് വിധിക്കുകയായിരുന്നു.
