കോയമ്പത്തൂര് : തമിഴ്നാട് ഡിഐജി സി. വിജയകുമാര് സര്വീസ് റിവോള്വറില് നിന്നും നിറയൊഴിച്ച് ആത്മഹത്യ ചെയ്തു. വെള്ളിയാഴ്ച രാവിലെ പ്രഭാത നടത്തത്തിന് ശേഷം തിരിച്ചെത്തി ആത്മഹത്യ ചെയ്യുകയായിരുന്നു.
രാവിലെ 6.45 ഓടെ ക്യാമ്പ് ഓഫീസിലെത്തിയ ഡിഐജി പേഴ്സണല് സെക്യൂരിറ്റി ഓഫീസറോട് സ്വന്തം തോക്ക് ചോദിച്ചു വാങ്ങി. ഉദ്യോഗസ്ഥന് പുറത്തേയ്ക്ക് പോയതിന് പിന്നാലെ സ്വയം നിറയൊഴിച്ച് ആത്മഹത്യ ചെയ്യുകയുമായിരുന്നു. സ്ഥലത്തുണ്ടായിരുന്ന സഹപ്രവര്ത്തകര് ഉടന് തന്നെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
ഡിഐജി വിജയകുമാര് വിഷാദ രോഗത്തിന് ചികിത്സ തേടിയിരുന്നതായി സൂചനയുണ്ട്. 2009ലെ ഐപിഎസ് ബാച്ച് ഉദ്യോഗസ്ഥനായിരുന്നു അദ്ദേഹം. മരണകാരണം കൃത്യമായി വ്യക്തമല്ല. കടുത്ത സമ്മര്ദ്ദംമൂലം ഉറങ്ങാന് സാധിക്കുന്നി, ആഴ്ചകളായി ഉറങ്ങിയിട്ടെന്നും ഇയാള് പറഞ്ഞതായി സഹപ്രവര്ത്തകര് വെളിപ്പെടുത്തി. തമിഴ്നാട് മുഖ്യമന്ത്രി എം.കെ. സ്റ്റാലിന് സംഭവത്തില് അനുശോചനം രേഖപ്പെടുത്തി
