തിരുവനന്തപുരം: ഇന്ത്യൻ റയിൽവേയുടെ ഭാരത് ഗൗരവ് ടൂറിസ്റ്റ് ട്രെയിൻ കൊച്ചുവേളിയിൽ നിന്നും ജൂലൈ 20 ന് പുറപ്പെടും. പുണ്യ തീർത്ഥ് യാത്രയിൽ ഉജ്ജയിൻ, ഹരിദ്വാർ, ഋഷികേശ്, കാശി, അയോദ്ധ്യ, അഹോബാദ് എന്നിവടങ്ങളിലാണ് പാക്കേജ്.
11 രാത്രിയും 12 പകലും ചേരുന്നതാണ് പാക്കേജ്. ജൂലൈ 31 ന് തിരിച്ചെത്തും. മാസത്തിൽ ഒരു യാത്രയാണ് സംഘടിപ്പിക്കുന്നത്. 3 ടയർ എസി, സ്ലീപ്പർ കോച്ചുകളാണ് ഒരുക്കിയിരിക്കുന്നത്. വയോജന സൗഹ്യദ സൗകര്യങ്ങൾ ഒരുക്കിയിട്ടുണ്ട്.
വെജിറ്റേറിയൻ ഭക്ഷണവും താമസവും അടക്കം സ്ലീപ്പറിൽ 24340 രൂപയും, എസിയിൽ 34 340 രൂപയുമാണ്. പ്രധാന റയിൽവേ സ്റ്റേഷനിൽ നിന്നും വാഹനങ്ങൾ, സ്റ്റേ ചെയ്യുന്നതിനുള്ള ഹോട്ടലുകൾ എന്നിവയും പാക്കേജിലുണ്ട്. ഓരോ കോച്ചിലും സി ഡി ടി പി, സെക്യൂരിറ്റി, ടൂറിസം എക്സ്പേർട്ട് എന്നിവ ഉണ്ടാകും.
754 സീറ്റുകളാണ് ഉള്ളത്. മെഡിക്കൽ സൗകര്യം ഒരുക്കിയിട്ടുണ്ട്. തിരുവനന്തപുരം, കോഴിക്കോട് എറണാകുളം, കോയമ്പത്തൂർ എന്നിവിടങ്ങളിൽ നേരിട്ട് ബുക്ക് ചെയ്യാം.
പ്രതികരിക്കാൻ ഇവിടെ എഴുതുക: