ലണ്ടന്: വിംബിള്ഡണില് ടോപ് സീഡ് പോളണ്ടിന്റെ ഇഗ സ്വിറ്റെക്, നാലാം സീഡ് അമേരിക്കയുടെ ജെസിക്ക പെഗുല,അഞ്ചാം സീഡ് ഫ്രഞ്ച് താരം കരോലിന് ഗാര്സിയ, 19-ാം സീഡ് ബെലാറസിന്റെ വിക്ടോറിയ അസരെങ്ക എന്നിവര് രണ്ടാം റൗണ്ടില് കടന്നു. റഷ്യന് താരങ്ങളായ 11-ാം സീഡ് ഡാരിയ കസറ്റ്കിന, 12-ാം സീഡ് വെറോണിക്ക കുദര്മെറ്റോവ എന്നിവരും രണ്ടാം റൗണ്ടിലെത്തി.
സോഫിയ കെനിനുമായുള്ള മത്സരത്തില് പരാജയപ്പെട്ട അമേരിക്കന് താരം കൊക്കോ ഗൗഫ് ആദ്യ റൗണ്ടില് തന്നെ പുറത്തായി. ഏഴാം സീഡ് ഗൗഫ് 6-4 2-6 6-4 ന് എന്ന സ്കോറിനാണ് കെനിനോട് പരാജയപ്പെട്ടത്.
പുരുഷ സിംഗിള്സില് ടോപ് സീഡ് സ്പെയിനിന്റെ കാര്ലോസ് അല്കാരസും എട്ടാം സീഡ് ഇറ്റാലിയുടെ ജാനിക് സിന്നറും രണ്ടാം റൗണ്ടില് പ്രവേശിച്ചു. രണ്ടാം സീഡ് സെര്ബിയയുടെ നൊവാക് ജോക്കോവിച്ചും നാലാം സീഡ് നോര്വേയുടെ കാസ്പര് റൂഡും ഇതിനകം രണ്ടാം റൗണ്ടില് കടന്നിട്ടുണ്ട്.
അതിനിടെ , എട്ട് തവണ ചാമ്പ്യനായ റോജര് ഫെഡററെ വിംബിള്ഡണ് ആദരിച്ചു.
