കുതിപ്പ് തുടങ്ങി ഇഗ

ലണ്ടന്‍: വിംബിള്‍ഡന്‍ ടെന്നിസിന്റെ ആദ്യ ദിനത്തില്‍ കരുത്തന്‍ കുതിപ്പുമായി ടോപ് സീഡ് താരം ഇഗ സ്വിയാറ്റെക്. ചൈനീസ് താരം സൂ ലിന്‍ ഇഗയ്‌ക്ക് മുന്നില്‍ കീഴടങ്ങി. സ്‌കോര്‍: 6-1, 6-3.

നേരിട്ടുള്ള സെറ്റുകള്‍ക്കായിരുന്നു ഇഗയുടെ ആദ്യറൗണ്ട് വിജയം. ഇന്നലെ നടന്ന മറ്റ് വനിതാ സിംഗിള്‍സ് മത്സരത്തില്‍ അമേരിക്കന്‍ താരം ജസീക്ക പെഗ്യൂല, ബാര്‍ബോറ സ്‌ട്രൈക്കോവ, വിക്ടോറിയ അസരെങ്ക, നാദിയ പൊഡൊറോസ്‌ക എന്നിവര്‍ ആദ്യറൗണ്ട് മത്സരം കടന്ന് രണ്ടാം റൗണ്ടിലെത്തി.

പുരുഷ സിംഗിള്‍സില്‍ ഏഴാം ടീസ് താരം ആന്ദ്രേ റുബ്‌ലെവ് നേരിട്ടുള്ള സെറ്റിന് ജയിച്ച് രണ്ടാം റൗണ്ടില്‍ കടന്നു. മാക്‌സ് പുര്‍സെല്ലിനെയാണ് റുബ്‌ലെവ് തോല്‍പ്പിച്ചത്. സ്‌കോര്‍: 6-3, 7-5, 6-4.

മറ്റൊരു മത്സരത്തില്‍ ഹബേര്‍ട്ട് ഹര്‍ക്കാസ് നേരിട്ടുള്ള സെറ്റുകള്‍ക്ക് ജയിച്ചു. ആല്‍ബര്‍ട്ട് റാമോസ് വിനോലാസിനെയാണ് തോല്‍പ്പിച്ചത്. സ്‌കോര്‍: 6-1, 6-4, 6-4.

രണ്ടാം സീഡ് താരവും നിലവിലെ ചാമ്പ്യനുമായ നോവാക് ദ്യോക്കോവിച്ചും അര്‍ജന്റീന താരം പെഡ്രോ കാഷിനും തമ്മിലുള്ള മത്സരം പുരോഗമിച്ചുകൊണ്ടിരിക്കുകയാണ്. ആദ്യ രണ്ട് സെറ്റുകളിലും തകര്‍പ്പന്‍ മുന്നേറ്റം കാഴ്ചവച്ച ദ്യോക്കോവ് മൂന്നാം സെറ്റില്‍ കടുത്ത പോരാട്ടത്തിലാണ്.