ലണ്ടന്‍: വിംബിള്‍ഡന്‍ ടെന്നിസ് ടൂര്‍ണമെന്റ് മത്സരനിര്‍ണയ നറുക്കെടുപ്പ് പൂര്‍ത്തിയായി. ഇതോടെ സീസണിലെ മൂന്നാം ഗ്രാന്‍ഡ് സ്‌ലാം ടെന്നിസിന്റെ മത്സരപട്ടിക തയ്യാറായി.
പുരുഷ സിംഗിള്‍സില്‍ അഞ്ചാം സിഡ് താരം സ്റ്റെഫാനോസ് സിറ്റ്‌സിപ്പാസും 2020 യുഎസ് ഓപ്പണ്‍ ജേതാവുമായ ഡൊമിനിക് തീമും തമ്മിലുള്ള ആദ്യ റൗണ്ട് മത്സരമാണ് ടൂര്‍ണമെന്റിന്റെ തുടക്കത്തിലെ ആവേശപ്പോരാട്ടം. ഇതില്‍ ജയിക്കുന്നവര്‍ക്ക് രണ്ടാം റൗണ്ടില്‍ മുന്‍ ലോക ഒന്നാം നമ്പര്‍ താരം ആന്‍ഡി മറേയെ നേരിടേണ്ടിവരും.
ടൂര്‍ണമെന്റിലെ ഒന്നാം സീഡ് താരം കാര്‍ലോസ് അല്‍കരാസിന് ആദ്യ കളിയില്‍ നേരിടേണ്ടിവരിക ഫ്രഞ്ച് താരം ജെറെമി ചാര്‍ഡിയെ ആണ്. ഇതുകഴിഞ്ഞാല്‍ താരത്തിന് പിന്നെ കടുത്ത എതിരാളിയെ കിട്ടാന്‍ സാധ്യതയുള്ളത് ക്വാര്‍ട്ടര്‍ ഫൈനലിലാണ്. അവിടെ ഹോള്‍ഗര്‍ റൂണെയെ നേരിടേണ്ടിവന്നേക്കാം. ലോക ആറാം നമ്പര്‍ താരമായ റൂണെയുടെ ആദ്യറൗണ്ട് മത്സരം ജോര്‍ജ് ലോഫ്‌ഹേഗനെയാണ്.
നിലവിലെ വിംബിള്‍ഡന്‍ ചാമ്പ്യനും ഗ്രാന്‍ഡ് സ്‌ലാം കിരീടനേട്ടത്തില്‍ റെക്കോഡ് ജേതാവുമായ നോവാക് ദ്യോക്കോവിച്ചിന് ക്വാര്‍ട്ടര്‍ ബെര്‍ത്ത് വരെ അനായാസം മുന്നേറം. ക്വാര്‍ട്ടറില്‍ റഷ്യന്‍ താരം ആേ്രന്ദ റുബ്ലേവിനെ എതിരിടേണ്ടിവന്നേക്കും. അര്‍ജന്റീനയുടെ പെഡ്രോ കാഷിന്‍ ആണ് ദ്യോക്കോവിന്റെ ആദ്യറൗണ്ട് എതിരാളി. മറ്റൊരു റഷ്യന്‍ താരം ഡാനില്‍ മെദ്‌വെദെവും സിറ്റ്‌സിപ്പാസും തമ്മില്‍ ക്വാര്‍ട്ടറില്‍ മുഖാമുഖം വരാനുള്ള സാധ്യതയുണ്ട്. മെദ്‌വെദെവിന് ആദ്യ മത്സരത്തില്‍ അര്‍ജന്റീന താരം യുവാന്‍ മാര്‍ട്ടിന്‍ സെറുന്‍ഡോളയെ നേരിടും. കഴിഞ്ഞ വര്‍ഷത്തെ രണ്ടാം സ്ഥാനക്കാരന്‍ നിക്ക് കിര്‍ഗിയോസിന് ഇക്കുറി ആദ്യപോരാട്ടത്തില്‍ ബെല്‍ജിയത്തിന്റെ ഡേവിഡ് ഗോഫിനെ നേരിടണം.
പ്രതികരിക്കാൻ ഇവിടെ എഴുതുക: