അജ്മാന്: അജ്മാനില് നിന്ന് മത്സ്യബന്ധനത്തിന് പോയ മലയാളികള് അടക്കം ഇറാന് സേനയുടെ പിടിയില്. തിരുവനന്തപുരം അഞ്ചുതെങ്ങ് സ്വദേശികളായ സാജു ജോസ്, ആരോഗ്യ ദാസ്, ഡെന്നിസണ് പൗലോസ്, സ്റ്റാലിന് വാഷിങ്ടണ്, ഡിക്സണ് എന്നിവരും പരവൂര് സ്വദേശികളായ രണ്ട് പേരും അടക്കം ഒമ്പത് പേരാണ് സമുദ്ര അതിര്ത്തി ലംഘിച്ചതിന് ഇറാന് സേന കസ്റ്റഡിയിലെടുത്ത് ജയിലില് അടച്ചത്.
ഒരാഴ്ചയായി ഇവര് ജയിലിലാണ്. തങ്ങളുടെ ബന്ധുക്കള്ക്ക് അയച്ച ശബ്ദ സന്ദേശത്തില് നിന്നാണ് വിവരം പുറംലോകമറിഞ്ഞത്. ജൂണ് 18നാണ് മത്സ്യബന്ധനത്തിന് പോയത്. തമിഴ്നാട് സ്വദേശികളാണ് മറ്റു രണ്ടു പേര്. സാജു ജോസാണ് ഇറാന് സേനയുടെ തടവിലാണെന്ന് ബന്ധുക്കളെ ഫോണിലൂടെ അറിയിച്ചത്.
