തിരുവനന്തപുരം: നായർ സർവ്വീസ് സൊസൈറ്റിയുടെ തിരുവനന്തപുരം താലൂക്ക് യൂണിയന്‍ ആസ്ഥാനം ബിജെപി ദേശീയ അദ്ധ്യക്ഷൻ ജെ.പി നദ്ദ സന്ദർശിച്ചു. വിദ്യാധിരാജ ചട്ടമ്പി സ്വാമി ക്ഷേത്രത്തിൽ ദർശനം നടത്തിയ അദ്ദേഹം മന്നത്താചാര്യന്റെ ഛായാചിത്രത്തിൽ പുഷ്പാർച്ചന നടത്തി മന്നത്തു പത്മനാഭന്റെ ചിത്രത്തിനു മുന്നിലും പുഷ്പാര്‍ച്ചന നടത്തി. ഇരുവരെക്കുറിച്ചുമുള്ള പുസ്തകങ്ങള്‍ എന്‍എസ്എസ് വൈസ് പ്രസിഡന്റ് സംഗിത് കുമാര്‍ സമ്മാനിച്ചു. താലൂക്ക് യൂണിയന്‍ നേതാക്കളുമായും കൂടിക്കാഴ്ച നടത്തി. എൻ. എസ്. എസ് ഉപാദ്ധ്യക്ഷനായി നിയമിതനായ സംഗീത് കുമാറിനെ അദ്ദേഹം ആദരിച്ചു. യൂനിയൻ ഭാരവാഹികളോടൊപ്പം പ്രാതൽ കഴിച്ചാണ് അദ്ദേഹം മടങ്ങിയത്
ചട്ടമ്പി സ്വാമി സ്മാരകം സന്ദര്‍ശിക്കുകയും മഹാനായ യോഗിയും സാമൂഹ്യ പരിഷ്‌കര്‍ത്താവുമായ ചട്ടമ്പി സ്വാമി ജിക്ക് ആദരാഞ്ജലികള്‍ അര്‍പ്പിക്കുകയും ചെയ്തത് ജെ.പി നദ്ദ ചിത്രസഹിതം ട്വീറ്റ് ചെയ്തു.സമൂഹത്തിലെ പാര്‍ശ്വവല്‍ക്കരിക്കപ്പെട്ട വിഭാഗങ്ങളെ ശാക്തീകരിക്കാനുള്ള ചട്ടമ്പി സ്വാമിജിയുടെ പാരമ്പര്യത്തിന് സ്മാരകത്തിലൂടെ ഉചിതമായ ആദരാഞ്ജലിയാണ് എന്‍എസ്എസ് യൂണിയന്‍ അര്‍പ്പിച്ചിരിക്കുന്നതെന്നും നദ്ദ പറഞ്ഞു.
. ബിജെപി സംസ്ഥാന അദ്ധ്യക്ഷൻ കെ.സുരേന്ദ്രൻ, കേന്ദ്രമന്ത്രിമാരായ വി. മുരളീധരൻ, ശോഭാ കരന്തലജെ എന്നിവരും സന്നിഹിതരായിരുന്നു
