കോട്ടയം: എംജി യൂണിവേഴ്സിറ്റിയിലെ സര്ട്ടിഫിക്കറ്റ് കച്ചവടം അവസാനിപ്പിക്കണമെന്നാവശ്യപ്പെട്ട് യുവമോര്ച്ച കോട്ടയം ജില്ലാകമ്മിറ്റിയുടെ നേതൃത്വത്തില് നടത്തിയ മാര്ച്ചില് സംഘര്ഷം.
യുവമോര്ച്ച ജില്ലാ പ്രസിഡന്റ് വിഷ്ണു വഞ്ചിമലയുടെ നേതൃത്വത്തില് നടത്തിയ മാര്ച്ച് ബിജെപി ജില്ലാ പ്രസിഡന്റ് ലിജിന്ലാല് ഉദ്ഘാടനം ചെയ്തു. യൂണിവേഴ്സിറ്റിയിലെ ക്രമക്കേടുകള്ക്കെതിരെ ഉന്നതതല അന്വേഷണം വേണമെന്നും ഇതുസംബന്ധിച്ച് ഗവര്ണ്ണര്ക്ക് പരാതി നല്കിയതായും അദ്ദേഹം അറിയിച്ചു.
എസ്എഫ്ഐയുടെ നേതൃത്വത്തില് ഇടതുപക്ഷ യുവജന സംഘടനാ പ്രവര്ത്തകരും നേതാക്കളും വ്യജ ബിരുദങ്ങള് നേടി സംസ്ഥാനത്തെ ഉന്നത വിദ്യാഭ്യാസ രംഗം ശിഥിലമാക്കുകയാണെന്ന് യുവമോര്ച്ച ജില്ലാ പ്രസിഡന്റ് വിഷ്ണു വഞ്ചിമല ആരോപിച്ചു.
ബിജെപി ജില്ലാ ജനറല് സെക്രട്ടറി എസ്. രതീഷ് തെക്കേമഠം, ജില്ലാ സെക്രട്ടറിമാരായ അഖില് രവീന്ദ്രന്, സോബിന്ലാല്, ബിജെപി മണ്ഡലം പ്രസിഡന്റ് മഹേഷ് ഏറ്റുമാനൂര്, യുവമോര്ച്ച ജില്ലാ ജനറല് സെക്രട്ടറിമാരായ അരവിന്ദ് ശങ്കര്, രോഹിന് ടി.എസ് തുടങ്ങിയവര് സംസാരിച്ചു.
