ന്യൂയോര്‍ക്ക്: യുഎന്‍ സംഘടിപ്പിച്ച അന്താരാഷ്‌ട്ര യോഗദിനാചരണം ഉദ്ഘാടനം ചെയ്ത പ്രധാനമന്ത്രി നരേന്ദ്രമോദിയ്‌ക്കരികെ യോഗ ചെയ്ത് പ്രമുഖ ഹോളിവുഡ് നടന്‍ റിച്ചാര്‍ഡ് ഗെരെ.
“മോദി നല്‍കിയത് മധുരമുള്ള സന്ദേശമാണ്. അദ്ദേഹം (പ്രധാനമന്ത്രി മോദി) ഭാരതീയ സംസ്കാരത്തിന്റെ ഉല്‍പന്നമാണ്. ഭാരതീയ സംസ്കാരം പോലെ തന്നെ വൈവിധ്യങ്ങളുള്ള ഒരു സ്ഥലത്ത് നിന്നാണ് മോദി വരുന്നത്. ഈ ആഗോള സാഹോദര്യത്തിന്റെ സന്ദേശമാണ് ഞങ്ങള്‍ വീണ്ടും വീണ്ടും കേള്‍ക്കാന്‍ ആഗ്രഹിക്കുന്നത്.”- റിച്ചാര്‍ഡ് ഗെരെ പറഞ്ഞു.
തൃപ്തിയുള്ള മനസ്സോടെയാണ് യോഗാചരണത്തിന് ശേഷം ഗെരെ മടങ്ങിയത്. പ്രെറ്റി വുമണ്‍ ഉള്‍പ്പെടെ ഒട്ടേറെ ഹോളിവുഡ് സിനിമകളിലെ നായകനാണ് റിച്ചാര്‍ഡ് ഗെരെ.
