ഭുവനേശ്വര്‍ : ഒഡീഷയില്‍ അന്തര്‍ സംസ്ഥാന ചാമ്പ്യന്‍ഷിപ്പില്‍ ഷോട്ട്പുട്ട് താരം തജീന്ദര്‍പാല്‍ സിംഗ് ടൂര്‍ പുതിയ ഏഷ്യന്‍ ഷോട്ട്പുട്ട് റെക്കോര്‍ഡ് കുറിച്ചു.
പഞ്ചാബിന്റെ 28കാരനായ താരം 21.77 മീറ്റര്‍ എറിഞ്ഞ് തന്റെ മുന്‍ ഏഷ്യന്‍ റെക്കോര്‍ഡ് തകര്‍ത്തു. 2021ല്‍ പട്യാലയില്‍ കുറിച്ച 21.49 മീറ്ററെന്ന സ്വന്തം റെക്കോര്‍ഡാണ് ടൂര്‍ മറികടന്നത്.
ലോകത്ത് ഈ സീസണില്‍ ഏറ്റവും കൂടുതല്‍ ദൂരം ഷോട്ട്പുട്ട് എറിഞ്ഞവരുടെ പട്ടികയില്‍ ഒമ്പതാം സ്ഥാനത്താണ് തജീന്ദര്‍പാല്‍ സിംഗ് ടൂര്‍.
അന്തര്‍സംസ്ഥാന മീറ്റാണ് ഏഷ്യന്‍ ഗെയിംസിനുള്ള യോഗ്യതാ മത്സരം. യോഗ്യതാ മാര്‍ക്കായ 21.40 മീറ്റര്‍ മറികടന്നാണ് ടൂര്‍ വരാനിരിക്കുന്ന ലോക ചാമ്പ്യന്‍ഷിപ്പില്‍ തന്റെ സ്ഥാനം ഉറപ്പിച്ചത്.കൂടാതെ, ആവശ്യമായ 19 മീറ്റര്‍ ദൂരം താണ്ടിക്കൊണ്ട് താരം ഏഷ്യന്‍ ഗെയിംസിനും യോഗ്യത നേടി.
പ്രതികരിക്കാൻ ഇവിടെ എഴുതുക: