ഇസ്താംബുള്‍ : ഫുട്ബാള്‍ പ്രേമികള്‍ ആകാംക്ഷയോടെ കാത്തിരുന്ന യുവേഫ ചാമ്പ്യന്‍സ് ലീഗ് ഫൈനലില്‍ മാഞ്ചസ്റ്റര്‍ സിറ്റിക്ക് കിരീടം. ഇന്റര്‍ മിലാനെ മറുപടിയില്ലാത്ത ഒരു ഗോളിനാണ് തോല്‍പ്പിച്ചത്. മാഞ്ചസ്റ്റര്‍ സിറ്റിയുടെചരിത്രത്തിലെ ആദ്യ ചാമ്പ്യന്‍സ് ലീഗ് കിരീടമാണിത്.
ഇതോടെ ട്രെബിള്‍ കിരീടം നേടുന്ന രണ്ടാമത്തെ ഇംഗ്ലീഷ് ടീമായി മാഞ്ചസ്റ്റര്‍ സിറ്റി . പ്രീമിയര്‍ ലീഗ് കിരീടവും എഫ് എ കപ്പും നേരത്തേ അവര്‍ നേടിയിരുന്നു.
മത്സരത്തിന്റെ 35ാം മിനിട്ടില്‍ പരിക്ക് കാരണം കെവിന്‍ ഡി ബ്രുയിനെ പുറത്തു പോയത് മാഞ്ചസ്റ്റര്‍ സിറ്റിക്ക് തിരിച്ചടിയായി. പകരം യുവതാരം ഫില്‍ ഫോഡനാണ് കളിക്കാനിറങ്ങിയത്.
68ആം മിനുട്ടിലാണ് മാഞ്ചസ്റ്റര്‍ സിറ്റി ഗോള്‍ കണ്ടെത്തിയത്. റോഡ്രിയുടെ ബൂട്ടില്‍ നിന്നായിരുന്നു ഗോള്‍. ഒനാനയ്‌ക്ക് നോക്കി നില്‍ക്കാനെ ആയുള്ളൂ.
പ്രതികരിക്കാൻ ഇവിടെ എഴുതുക: