തിരുവനന്തപുരം : അമ്പൂരി രാഖി കൊലപാതകക്കേസില്‍ പ്രതികളായ മൂന്ന് പേര്‍ക്കും ജീവപര്യന്തം തടവും നാലര ലക്ഷം രൂപ പിഴയും ശിക്ഷ വിധിച്ചു. തിരുവനന്തപുരം ആറാം അഡീഷണല്‍ സെഷന്‍സ് കോടതിയാണ് ശിക്ഷ വിധിച്ചത്.
സൈനികനായ അഖില്‍, സഹോദരന്‍ രാഹുല്‍,സുഹൃത്ത് ആദര്‍ശ് എന്നിവരാണ് കേസിലെ പ്രതികള്‍.
കേസിനാസ്പദമായ സംഭവം നടന്നത് 2019 ജൂണിലാണ്.പ്രണയബന്ധത്തില്‍ നിന്നും പിന്മാറാത്തതിനാല്‍ രാഖിയെ ശ്വാസം മുട്ടിച്ച് കൊലപ്പെടുത്തി കുഴിച്ചു മൂടുകയായിരുന്നു. അഖിലും രാഖിയും പ്രണയത്തിലായിരുന്നു. കൊച്ചിയിലെ ഒരു ക്ഷേത്രത്തില്‍ വച്ച് അഖില്‍ രഹസ്യമായി രാഖിയെ വിവാഹം ചെയ്തു.
എന്നാല്‍ മറ്റൊരു പെണ്‍കുട്ടിയുമായി രാഹുല്‍ അടുക്കുകയും വിവാഹം നിശ്ചയിക്കുകയും ചെയ്തു.ഇതറിഞ്ഞ രാഖി വിവാഹത്തിന് തടസം നിന്നതോടെയാണ് പ്രതികള്‍ ഗൂഢാലോചന നടത്തി കൊലപാതകം നടത്തിയത്.
അഖിലും രാഹുലും ചേര്‍ന്ന് രാഖിയെ നെയ്യാറ്റിന്‍കര ബസ് സ്റ്റാന്റില്‍ നിന്നും കാറില്‍ കയറ്റി കഴുത്തു ഞെരിച്ച് അബോധാവസ്ഥയിലാക്കി. പിന്നീട് അമ്പൂരിയില്‍ രാഹുലിന്റെ നിര്‍മ്മാണത്തിലിരുന്ന വീട്ടിലെത്തിച്ചു. ശേഷം കയര്‍ ഉപയോഗിച്ചു കഴുത്തു ഞെരിച്ചു മരണം ഉറപ്പാക്കി. അയല്‍വാസിയായ ആദര്‍ശിന്റെ സഹായത്തോടെ നേരത്തേ എടുത്ത കുഴിയില്‍ മൃതദേഹം കുഴിച്ചിടുകയായിരുന്നു.
പ്രതികരിക്കാൻ ഇവിടെ എഴുതുക: