പാരീസ് : ഫ്രഞ്ച് ഓപ്പണില് പുരുഷ സിംഗിള്സ് സെമി ഫൈനല് മത്സരങ്ങള് ഇന്ന് നടക്കും. ഒന്നാം സീഡ് കാര്ലോസ് അല്കാരസ് മൂന്നാം സീഡ് നൊവാക് ജോക്കോവിച്ചുമായി ഏറ്റുമുട്ടും. മറ്റൊരു സെമിഫൈനല് മത്സരത്തില് നാലാം സീഡ് കാസ്പര് റൂഡ് 22-ാം സീഡ് അലക്സാണ്ടര് സ്വെരേവിനെ നേരിടും.
ഇന്നലെ വനിത സെമിഫൈനലില് ഒന്നാം സീഡ് ഇഗ സ്വിറ്റെക്, ബിയാട്രിസ് ഹദ്ദാദ് മയയെ പരാജയപ്പെടുത്തി.ഫൈനലില് കരോലിന മുച്ചോവയാണ് ഇഗ സ്വിറ്റെകിന്റെ എതിരാളി.
നേരത്തെ, രണ്ടാം സീഡ് അരിന സബലെങ്കയെ അട്ടിമറിച്ച് കരോലിന തന്റെ ആദ്യ ഗ്രാന്ഡ്സ്ലാം ഫൈനലിലെത്തിയിരുന്നു. 43-ാം റാങ്കുകാരിയായ ചെക്ക് താരം സബലെങ്കയെ 7-6, 6-7, 7-5 എന്ന സ്കോറിനാണ് പരാജയപ്പെടുത്തിയത്.
