ഭുവനേശ്വര്‍: പുതു തലമുറ ബാലിസ്റ്റിക് മിസൈല്‍ അഗ്നി പ്രൈം പ്രതിരോധ ഗവേഷണ വികസന സംഘടന (ഡിര്‍ഡിഒ) വിജയകരമായി പരീക്ഷിച്ചു. ഒഡീഷ തീരത്തെ ഡോ.എ.പി.ജെ.അബ്ദുള്‍ കലാം ദ്വീപില്‍ നിന്നായിരുന്നു പരീക്ഷണം.
പ്രതിരോധ ഗവേഷണ വികസന സംഘടനയിലെയും തന്ത്രപ്രധാന സൈനിക കമാന്‍ഡിലെയും ഉന്നത ഉദ്യോഗസ്ഥര്‍ പരീക്ഷണത്തിന് സാക്ഷ്യം വഹിച്ചു. മിസൈലിന്റെ എല്ലാ സംവിധാനങ്ങളും കൃത്യമായി പ്രവര്‍ത്തിച്ചതായി അധികൃതര്‍ അറിയിച്ചു.
അഗ്നി പ്രൈമിന്റെ പരീക്ഷണ വിജയത്തില്‍ പ്രതിരോധ മന്ത്രി രാജ്നാഥ് സിംഗ് ഡിആര്‍ഡിഒയെയും സായുധ സേനയെയും അഭിനന്ദിച്ചു. ശാത്രജ്ഞരെയും സാങ്കേതിക വിദഗ്ധരെയും ഡിആര്‍ഡിഒ ചെയര്‍മാന്‍ ഡോ സമീര്‍ വി കാമത്തും അഭിനന്ദിച്ചു.
പ്രതികരിക്കാൻ ഇവിടെ എഴുതുക: